இதை செஞ்சிட்டேன்'னு மட்டும் திமுக காட்டட்டும் - நானே பரிசளிக்கிறேன்!! அண்ணாமலை அதிரடி

அண்ணாமலையின் என் மண் என் மக்கள் பாதயாத்திரை இறுதி கட்டத்தை எட்டியுள்ளது.

என் மண் என் மக்கள்

தமிழ்நாடு பாஜக தலைவர் அண்ணாமலை, வரும் நாடாளுமன்ற தேர்தலை முன்னிட்டு மாநிலம் முழுவதும் பாதயாத்திரை மேற்கொண்டு வருகின்றார்.

91-வது நாளாக தொடரும் இந்த பாதயாத்திரையில் அவர் திருவள்ளூர் பாராளுமன்ற தொகுதி வந்தடைந்தார். அங்கே மக்களிடம் உரையாற்றிய அவர் திருவள்ளுர் எம்.பி காங்கிரஸ் கட்சியின் ஜெயக்குமாரின் அண்மை பேட்டியை சுட்டிக்காட்டி கடுமையாக விமர்சனம் செய்தார்.

20-ஐ காட்டு

4 வருடம் 10 மாதங்கள் அவர் தூங்கிவிட்டு தற்போது தேர்தல் நேரத்தில் தொகுதி பக்கம் வந்து பேசுகிறார் என்று விமர்சித்த அண்ணாமலை, 2 வயது குழந்தைக்கு இருக்கும் அரசியல் தெளிவு கூட அவருக்கு இல்லை என சாடினார்.

நான் சொன்னதே வேற.. வேலையில்லாத வெட்டி அமைச்சர் பி.டி.ஆர் - அண்ணாமலை பதிலடி!

தொடர்ந்து பேசிய அண்ணாமலை, கடந்த 2019-ஆம் ஆண்டின் நாடாளுமன்றத்தேர்தலின் போது பாஜக சார்பில் அளிக்கப்பட்ட 295 வாக்குறுதிகளையும் நிறைவேற்றிவிட்டதாக தெரிவித்து இது தான் மோடி கிராண்ட்டி என பெருமிதத்துடன் கூறினார்.

அதே போல, மாநிலத்தில் ஆளும் திமுக அரசு முடிந்தால் இதனை வருட ஆட்சி காலத்தில் தாங்கள் நிறைவேற்றிய 20 வாக்குறுதிகளை கொடுத்தால், தானே அவர்களுக்கு பரிசளிப்பதாக தெரிவித்த அண்ணாமலை, ஆனால் 20-ஐ கூட நிறைவேற்ற முடியாமல் திமுக தத்தளித்து கொண்டிருக்கிறது என்றும் குற்றம்சாட்டினார்.