அதிமுகவுடன் பாஜக மீண்டும் கூட்டணி? இன்னொருவர் தான் வருவாரு - அண்ணாமலை திட்டவட்டம்!
அதிமுகவுடன் பாஜக மீண்டும் கூட்டணி வைக்க வாய்ப்பே இல்லை என அண்ணாமலை தெரிவித்துள்ளார்.
அண்ணாமலை
பாஜக தமிழக தலைவர் அண்ணாமலை கோவை வந்தார். அப்போது விமான நிலையத்தில் செய்தியாளர்களைச் சந்தித்த அவர்,
“பாஜகவுடன் கூட்டணி வைத்திருந்தால் 35 இடங்களில் வெற்றி பெற்றிருப்போம் என அதிமுக தரப்பில் கூறப்படுவதைப் பார்த்தால் எடப்பாடி பழனிசாமிக்கும், எஸ்.பி.வேலுமணிக்கும் இடையே எதோ பிரச்சினை தொடங்கியுள்ளதாக நான் பார்க்கிறேன்.
அதிமுகவுடன் கூட்டணி
2019-ல் ஆளுங்கட்சியாக இருந்தபோது கூட அதிமுகவால் மக்களவைத் தேர்தலில் ஒரு இடத்தில் தான் வெற்றிபெற முடிந்தது. அதிமுக தலைவர்களை மக்கள் நிராகரித்துள்ளனர் என்பதையே 2024 தேர்தல் முடிவுகள் எடுத்துக் காட்டுகின்றன.
எங்கள் கட்சியின் தொண்டர்கள் மொட்டை அடித்தல், விரலை வெட்டுவது போன்ற செயல்களில் ஈடுபடுவது மிகுந்த மனவேதனையளிக்கிறது. இதுபோன்ற செயல்களில் யாரும் ஈடுபடக்கூடாது. 2026-ல் பாஜக கூட்டணி ஆட்சி தான் அமையும்.
அதிமுகவுடன் மீண்டும் கூட்டணி வைக்க வாய்ப்பு இல்லை என்பது நான் பேசுவதில் இருந்தே தெரிந்திருக்கும். இன்னொருவரை கொண்டு வந்ததுதான் நீங்கள் கூட்டணி வைக்க வேண்டும் எனத் தெரிவித்துள்ளார்.
