கண்மூடித்தனமா நம்புவாரு; நாங்க 2 பேருமே பேசுவோம் - மனம் திறந்த அனிருத்!
Sumathi
in பிரபலங்கள்
தன்னுடன் பணியாற்றிய இயக்குநர்கள் குறித்து அனிருத் பேசியுள்ளார்.
அனிருத்
தமிழ் சினிமாவில் முன்னணி இசையாமைப்பாளர்களில் ஒருவர் அனிருத். ஐஸ்வர்யா இயக்கத்தில் நடிகர் தனுஷ் நடித்த 3 திரைப்படம் மூலம் அறிமுகமானார். அவர் கொடுத்த பாடல்கள் அனைத்துமே நல்ல வரவேற்பை பெற்றது.
ஜவான் படத்தின்மூலம் ஹிந்தி திரையுலகிலும் காலடி பதித்துள்ளார். ஜெயிலர், லியோ படத்தில் அனிருத்தின் இசை மிகப்பெரிய பாராட்டுக்கு உரித்தானது. தற்போது, ஷங்கரின் இந்தியன் 2 படம், அஜித்தின் விடாமுயற்சி என கடும் பிசியாக இருந்து வருகிறார்.
இயக்குநர்களுடன் அனுபவம்
இந்நிலையில், பேட்டி ஒன்றில் பேசியுள்ள அனிருத் லோகேஷ் தன்னிடம் படத்திற்கான பாடல்கள், பிஜிஎம் இசை குறித்து எதுவும் கேட்க மாட்டார். ஒரு ஐடியாவிற்காகவாவது பார்க்க சொன்னாலும் தன்னுடைய கட்டுப்பாட்டில் அதை விட்டுவிடுவார்.
தான் அவருக்கு அனுப்பும் பாடல்களை அவர் ஒருபோதும் நிராகரித்ததில்லை. தன்னை கண்மூடித்தனமாக அவர் நம்புவார். இதேபோல தான் நெல்சன் திலீப்குமாரும் நடந்துக் கொள்வார். அட்லீயை பொறுத்தவரை அவரும், தன்னுடைய இசையில் தலையிட மாட்டார்.
ஆனால் தனக்கு இதுபோன்ற இசை வேண்டும் என்றும் தன்னுடைய உலகம் இது என்றும் அவர் முன்னதாக தெளிவுப்படுத்திவிடுவார். இசை குறித்த விவாதங்களில் தாங்கள் இருவரும் பங்கேற்போம் எனத் தெரிவித்துள்ளார்.
