இன்ஸ்டாகிராமில் 5.6 மில்லியன் பாலோயர்ஸ்; தேர்தலில் வெறும் 155 ஓட்டு - நடிகருக்கு நேர்ந்த சோகம்
Karthikraja
in பிரபலங்கள்
மகாராஷ்டிரா தேர்தலில் பிக்பாஸ் பிரபலம் வெறும் 155 ஓட்டுகள் பெற்று தோல்வியடைந்துள்ளார்.
மகாராஷ்டிரா தேர்தல்
மகாராஷ்டிராவில் நடைபெற்ற சட்டமன்ற தேர்தலுக்கான வாக்கு எண்ணிக்கை இன்று(23.11.2024) காலை முதல் விறுவிறுப்பாக நடைபெற்று வருகிறது.
வாக்கு எண்ணிக்கையில் மொத்தமுள்ள 288 தொகுதிகளில் 233 தொகுதிகளில் பாஜக கூட்டணி முன்னிலை பெற்று மீண்டும் ஆட்சியமைக்க உள்ளது.
அஜாஸ் கான்
இந்த தேர்தலில் வெர்சோவா தொகுதியில் அஜாஸ் கான் ஆசாத் சமாஜ் கட்சி (கன்ஷி ராம்) சார்பில் அஜாஸ் கான் போட்டியிட்டார்.
அஜாஸ் கான் பல்வேறு ஹிந்தி மற்றும் தெலுங்கு படங்களில் நடித்துள்ளார். மேலும் ஹிந்தியில் நடைபெற்ற பிக்பாஸ் 7வது சீசனிலும் கலந்து கொண்டார். இவரை இன்ஸ்டாகிராமில் 5.6 மில்லியன் பேர் பின் தொடர்கிறார்கள்.
ஆனால் வாக்கு எண்ணிக்கை முடிவில் வெறும் 155 ஓட்டுகள் மட்டுமே பெற்றுள்ளார். இந்த தொகுதியில் சிவசேனா (உத்தவ் தாக்கரே) கட்சியை சேர்ந்த ஹரூன் கான் 1600 வாக்கு வித்தியாசத்தில் பாஜக வேட்பாளரை தோற்கடித்துள்ளார்.
