பிரபல இளம் நடிகருடன் காதலில் ஐஸ்வர்யா லஷ்மி - நெருக்கமான ஃபோட்டோ வைரல்!

அர்ஜுன் தாஸ் உடன் நெருக்கமாக இருக்கும் புகைப்படம் ஒன்றினை நடிகை ஐஸ்வர்யா லக்ஷ்மி பகிர்ந்துள்ளார்.

 ஐஸ்வர்யா லக்ஷ்மி

மலையாள சினிமாவின் மூலம் திரையுலகம் வந்த நடிகை ஐஸ்வர்யா லட்சுமி தமிழில் தனுஷின் ஜெகமே தந்திரம் படம் மூலம் அறிமுகமானார். தொடர்ந்து, புத்தம்புது காலை, கார்கி, கேப்டன் உள்ளிட்ட படங்களில் நடித்தார். அதன்பின் ஜாக்பாட்டாக மணிரத்னத்தின் பொன்னியின் செல்வன் அமைந்தது.

அதில் பூங்குழலியாக அனைவரது மனதையும் கவர்ந்தார். இதன் மூலம் கோலிவுட்டில் தனி அடையாளம் பதித்து விட்டார். தற்போது விஷ்னு விஷாலுடன் இவர் நடித்த கட்டா குஸ்தி வெளியாகி அமோக வரவேற்பை பெற்றது.

காதலில்..

இந்நிலையில், கைதி, மாஸ்டர் மற்றும் விக்ரம் போன்ற சில படங்களில் வலுவான கதாபாத்திரத்தில் நடித்து குறுகிய காலத்திற்குள் ரசிகர்களின் மனதில் நீங்கா இடத்தை பிடித்திருக்கும் அர்ஜுன் தாஸ் உடன் நெருக்கமாக இருக்கும் புகைப்படம் ஒன்றினை நடிகை ஐஸ்வர்யா லக்ஷ்மி தனது இன்ஸ்டாகிராம் பக்கத்தில் பகிர்ந்து இருக்கிறார்.

இந்த புகைப்படத்துடன் அவர் ஒரு இதய எமோஜியையும் கேப்ஷனாக சேர்த்து பதிவிட்டு இருக்கிறார். இதனை பார்த்ததிலிருந்து ரசிகர்கள் பலரும் இவர் உண்மையாகவே அர்ஜுன் தாஸுடன் உறவில் இருப்பதை வெளிப்படுத்தி இருக்கிறாரா அல்லது

வேறு ஏதேனும் புதிய படத்திற்கான ப்ரோமோஷனா என்று பலவிதனாக யூகங்களை வெளிப்படுத்தி வருகின்றனர். இந்த புகைப்படம் இணையத்தில் வைரலாகி வருகிறது.