மதுரையில் துவங்கப்பட்ட எய்ம்ஸ் பணி..இது தேர்தலுக்காக - சாடிய மா.சுப்ரமணியன்

நீண்ட காலமாக துவங்காமல் இருந்து வந்த மதுரை எய்ம்ஸ் மருத்துவமனையின் காட்டும் பணிகள் தற்போது துவங்கியுள்ளது.

மதுரை எய்ம்ஸ்

மதுரை மாவட்டத்தில் கடந்த 2019-ஆம் ஆண்டு பிரதமர் மோடியால் அடிக்கல் நாட்டப்பட்டது எய்ம்ஸ் மருத்துவமனை. ஆனால், அடிக்கல் நாட்டப்பட்டதை தவிர பெரிதாக பணிகள் துவங்கிடவில்லை.

கடந்த 2021-ஆம் ஆண்டின் சட்டமன்ற தேர்தலில் தற்போதைய அமைச்சர் உதயநிதி கடுமையாக மத்திய அரசு மீது வைத்த குற்றச்சாட்டு, எய்ம்ஸ் மருத்துவமனை.

ஆழம் பார்த்தார்..! மோடி - பிடிஆர் சந்திப்பு - அதிமுக ஜெயக்குமார் கருத்து..!

தேர்தல் வருவதால் 

தற்போது மக்களவை தேர்தல் நெருங்கும் நிலையில், இன்று 5 மதுரை எய்ம்ஸ் மருத்துவமனை பணிகள் துவங்கியுள்ளது. இதுவே பெரும் தலைப்பு செய்தியாக மாறியிருக்கும் நிலையில், அது குறித்து தமிழ்நாடு சுகாதார துறை அமைச்சர் மா.சுப்ரமணியன் கடுமையாக விமர்சனம் செய்துள்ளார்.

சென்னை சைதாப்பேட்டை நடைபெற்ற நிகழ்வில் கலந்து கொண்ட செய்தியாளர்களை சந்தித்த அவர், தேர்தல் வருவதால் மதுரை எய்ம்ஸ் கட்டுமானப் பணி தொடங்கியுள்ளது என குற்றம்சாட்டினார்.

மேலும், திமுக அரசு மத்திய அரசின் எந்தத் திட்டத்திற்கு முட்டுக்கட்டை போடவில்லை என உறுதிபட தெரிவித்த அவர், பெரிய பொறுப்பில் உள்ளவர்கள் எடுத்தோம், கவிழ்த்தோம் என பேசுவது சரியல்ல என்றும் தெரிவித்தார்.