நாடாளுமன்ற தேர்தல்: அதிமுக-தேமுதிக கூட்டணி உறுதி - எத்தனை தொகுதிகள்?

அதிமுக கூட்டணியில் தேமுதிகவுக்கு 4 தொகுதிகள் ஒதுக்கப்பட்டுள்ளதாக தகவல் வெளியாகியுள்ளது.

தேர்தல் 

நாடாளுமன்ற தேர்தல் நெருங்கி வரும் நிலையில், தமிழகத்தில் அரசியல் கட்சிகள் கூட்டணி, தொகுதிப் பங்கீடு, வேட்பாளர்கள் தேர்வு என தேர்தல் பணிகளில் தீவிரமாக ஈடுபட்டு வருகின்றனர்.

இதனிடையே நாடாளுமன்றத் தேர்தல் தேதியை இந்திய தலைமை தேர்தல் கமிஷனர் ராஜீவ் குமார் நேற்று அதிகாரப்பூர்வமாக அறிவித்தார். அடுத்த மாதம் ஏப்ரல் 19 முதல் ஜூன் 1-ம் தேதி வரை 7 கட்டங்களாக தேர்தல் நடைபெறுகிறது.

மக்களை பிளவுபடுத்தும் பாஜக வீட்டுக்கு அனுப்பப்படும் - மும்பையில் மு.க.ஸ்டாலின் ஆவேசம்!

அதிமுக-தேமுதிக 

தமிழகத்தில் ஏப்ரல் 19-ம் தேதி ஒரே கட்டமாக வாக்குப்பதிவு நடைபெற உள்ளது. மேலும், இதையொட்டி தேர்தல் நடைமுறைகள் அனைத்தும் உடனடியாக அமலுக்கு வந்துள்ளது. இந்நிலையில் நீண்ட பேச்சுவார்த்தைக்கு பிறகு அதிமுக-தேமுதிக கூட்டணி உறுதி செய்யப்பட்டுள்ளது.

அதிமுக கூட்டணியில் தேமுதிகவுக்கு 4 தொகுதிகள் ஒதுக்கப்பட்டுள்ளதாக தகவல் வெளியாகியுள்ளது. மேலும், வரும் 20-ம் தேதி அதிமுக-தேமுதிக இடையே ஒப்பந்தம் கையெழுத்தாக இருக்கிறது.