சூரியனில் நிகழ்ந்த அதிர்ச்சி சம்பவம் - படம்பிடித்து அனுப்பிய ஆதித்யா எல்-1 விண்கலம்!
சூரியனில் ஏற்பட்ட வெடிப்பை ஆதித்யா எல்-1 விண்கலம் புகைப்படம் எடுத்து பூமிக்கு அனுப்பியுள்ளது.
ஆதித்யா எல்-1
இந்திய விண்வெளி ஆய்வு நிறுவனமான இஸ்ரோ விண்வெளியில் பல்வேறு ஆய்வுகளை மேற்கொண்டு வருகிறது. அந்த வகையில் நிலவின் தென்துருவத்தை ஆய்வு செய்ய சந்திரயான் 3 விண்கலத்தை கடந்த ஆண்டு வெற்றிகரமாக விண்ணில் ஏவி சாதனை படைத்தது.
இதனையடுத்து சூரியனை ஆய்வு செய்ய 'ஆதித்யா எல்-1' என்ற விண்கலத்தைஇஸ்ரோ கடந்த ஆண்டு விண்ணில் ஏவியது. இந்த விண்கலமானது பூமியிலிருந்து 15 லட்சம் கி.மீ தூரம் 125 நாட்கள் பயணித்து சூரியனுக்கு அருகில் உள்ள எல் 1 எனப்படும் லாக்ராஞ்சியன் புள்ளியில் நிலைநிறுத்தப்பட்டது.
சூரியகாந்த புயல்
இந்நிலையில் கடந்த 10 மற்றும் 12-ம் தேதிகளில் சூரியனில் ஏற்பட்ட வெடிப்பை, ஆதித்யா எல்-1 விண்கலம் புகைப்படம் எடுத்து பூமிக்கு அனுப்பியுள்ளது. இதுவே கடந்த 2003-ம் ஆண்டிற்கு பிறகு ஏற்பட்ட மிகவும் சக்திவாய்ந்த சூரியகாந்த புயல் என இஸ்ரோ தெரிவித்துள்ளது.
மேலும், இதன் காரணமாக ஏற்படும் காந்த விசை புயல் இந்திய செயற்கைக்கோள்களில் ஏதேனும் பாதிப்பை ஏற்படுத்தி உள்ளதா என்பது குறித்து தொடர்ந்து கவனித்து வருவதாக இஸ்ரோ குறிப்பிட்டுள்ளது.
