தனது வீட்டில் ஏற்பட்ட சோகத்தை பகிர்ந்த நடிகை நித்யா மேனன் - ரசிகர்கள் ஆறுதல்!

பிரபல நடிகை நித்யா மேனன் வீட்டில் ஏற்பட்ட சோகத்தை இணையத்தில் பகிர்ந்தது வைரலாகி வருகிறது.

நடிகை

தென்னிந்திய திரையுலகில் பிரபல முன்னணி நடிகையாக இருப்பவர் நடிகை நித்யா மேனன். கேரளாவை பூர்வீகமாக கொண்ட இவர், தனது பெற்றோருடன் கர்நாடகாவில் வசித்து வருகிறார். அவர் பூர்ணா பிரஜ்னா பள்ளி மற்றும் பெங்களூரு மவுண்ட் கார்மல் கல்லூரியில் கல்வி பயின்றார்.

இவர் ஆரம்பத்தில் ஒரு பத்திரிகையாளராக ஆகவேண்டும் என்று நினைத்தார், பின்னர் திரைப்படம் மற்றும் தொலைக்காட்சியில் ஒளிப்பதிவு படிப்பில் சேர்ந்தார். பிறகு திரைப்படம் நடிப்பதில் ஆர்வம் கொண்டார். இவர் தனது 10வது வயதில் ஹனுமான் என்ற பிரெஞ்சு-இந்திய ஆங்கிலத் திரைப்படத்தில் தபுவின் கேரக்டருக்கு தங்கையாக நடித்தார்.

சோகம்

இதனை தொடர்ந்து, 2006 ஆம் ஆண்டில், ஒளிப்பதிவாளர் சந்தோஷ் ராய் படாஜே இயக்கிய கன்னடத் திரைப்படமான 7 ஓ' க்ளாக் மூலம் மேனன் தனது நடிப்பு வாழ்க்கையை துணை வேடத்தில் தொடங்கினார். பின்னர் குமரன் இயக்கிய 2008 ஆம் ஆண்டு வெளியான ஆஃப்-பீட் திரைப்படமான ஆகாஷ கோபுரம், மலையாளத்தில் மோகன்லாலுடன் ஜோடியாக ஒரு முன்னணி பாத்திரத்தில் நடித்தார்.

மேலும், இவர் தமிழ், மலையாளம், கன்னடம், தெலுங்கு உள்ளிட்ட பல மொழிகளில் நடித்து பிரபல நடிகையாக உள்ளார். இவர் தற்பொழுது, இன்ஸ்டாகிராமில் தனது பாட்டி மற்றும் தாத்தாவுடன் இருக்கும் ஒரு புகைப்படத்தை பகிர்ந்துள்ளார். அதில் 'ஒரு சகாப்தம் முடிந்துவிட்டது. உன்னை மிகவும் மிஸ் செய்கிறேன். குட் பை பாட்டி மற்றும் என் செர்ரிமேன். இனிமேல் வேறொரு பக்கத்தில் பார்க்கிறேன்.’ என்று பதிவிட்டிருந்தார்.