43 வயதில் 2-ம் திருமணம் - Gaganyaan விண்வெளி வீரரை மணந்த தனுஷ் பட நடிகை!
Jiyath
in பிரபலங்கள்
நடிகை லீனா ககன்யான் திட்ட விண்வெளி வீரரும் குரூப் கேப்டனுமான பிரசாந்த் பாலகிருஷ்ணன் நாயரை கடந்த ஜனவரி 17-ம் தேதி திருமணம் செய்துள்ளார்.
நடிகை லீனா
மலையாள சினிமாவில் பிரபல நடிகையாக இருப்பவர் லீனா (43). இவர் நடிகர் தனுஷ் நடிப்பில் வெளியான அனேகன் படத்தின் மூலம் தமிழ் சினிமாவில் அறிமுகமானார்.
மேலும், கடாரம் கொண்டான், திரௌபதி, O2 ஆகிய படங்களில் நடித்துள்ளார். இவருக்கு ஏற்கனவே அபிலாஷ் குமார் என்பருடன் திருமணமாகி பின்னர் விவாகரத்து பெற்றுள்ளார்.
இதனையடுத்து ககன்யான் திட்ட விண்வெளி வீரரும் குரூப் கேப்டனுமான பிரசாந்த் பாலகிருஷ்ணன் நாயரை கடந்த ஜனவரி 17-ம் தேதி லீனா திருமணம் செய்துள்ளார்.
வரலாற்று பெருமை
ஆனால் திருமணம் பற்றிய தகவலை வெளியிடாமல் ரகசியமாக வைத்துள்ளார். இந்நிலையில் நேற்று திருமணம் குறித்த தகவலை நேற்று தனது இன்ஸ்டாகிராமில் வெளியிட்டுள்ளார்.
அதில், 'ககன்யான்' விண்வெளி வீரரும், குரூப் கேப்டனுமான பிரசாந்த் பாலகிருஷ்ணன் நாயரை கடந்த 17-ம் தேதி பாரம்பரிய முறைப்படி திருமணம் செய்துள்ளேன். எனது கணவரின் சாதனை, நாட்டிற்கும் எனது சொந்த மாநிலமான கேரளாவிற்கும் வரலாற்று பெருமையை தேடித்தரும்" என்று குறிப்பிட்டுள்ளார்.
ககன்யான் விண்வெளி திட்டத்திற்கு தேர்ந்தெடுக்கப்பட்ட விண்வெளி வீரர்களின் பட்டியலில் பிரசாந்த் பாலகிருஷ்ணன் நாயர் பெயரை பிரதமர் மோடி நேற்று அறிவித்தார் என்பது குறிப்பிடத்தக்கது.
