இயக்குநரின் ஆசைக்கு இணங்கினால் 4 பட வாய்ப்பு - பிச்சைக்காரன் பட நடிகை பாலியல் குற்றச்சாட்டு
Karthikraja
in பிரபலங்கள்
ஆடிஷனுக்கு சென்ற போது, இயக்குனர் பாலியல் சலுகையை எதிர்பார்த்தார் என காவ்யா தாபர் தெரிவித்துள்ளார்.
காவ்யா தாபர்
ஹிந்தி, தமிழ், தெலுங்கு மொழி படங்களில் நடித்து வருபவர் நடிகை காவ்யா தாபர். தமிழில் மார்கெட் ராஜா எம்.பி.பி.எஸ், பிச்சைக்காரன் 2 ஆகிய படங்களில் நடித்துள்ளார்.
திரைப்படங்களில் நடிப்பதற்கு முன் விளம்பர படங்களில் நடித்து வந்தார். அப்போது தனக்கு நேர்ந்த பாலியல் துன்புறுத்தல் குறித்து பேசியுள்ளார்.
பாலியல் சலுகை
அது குறித்து பேசிய காவ்யா தாபர், "ஆடிஷனுக்காக இயங்குநர் அவருடைய அலுவலகத்துக்கு அழைத்திருந்தார். நான் சென்ற போது அவர் என்னிடம் பாலியல் சலுகையை எதிர்பார்த்தார். ஆசைக்கு இணங்கினால் 4 வாய்ப்புகள் கிடைக்கும் என்று சொன்னதைக் கேட்டு அதிர்ச்சியடைந்தேன்.
அந்த வாய்ப்புகளை நிராகரித்துவிட்டு வந்துவிட்டேன். என்னை நடிகையாகப் பார்க்க வேண்டும் என்ற என் அப்பாவின் கனவிற்காகதான் சினிமாவுக்கு வந்தேன்” என்று தெரிவித்துள்ளார்.
