எழுந்த விமர்சனங்கள் - கட்சி பெயரில் திடீர் மாற்றம் செய்த நடிகர் விஜய்!
Jiyath
in பிரபலங்கள்
நடிகர் விஜய்யின் கட்சி பெயரை “தமிழக வெற்றிக் கழகம்” என திருத்தி அறிவிக்கப்பட்டுள்ளது.
தமிழக வெற்றி கழகம்
தமிழ் சினிமாவின் உச்சநட்சத்திரம் விஜய் தனது அரசியல் பயணத்தை கடந்த 2-ஆம் தேதி துவங்கினார். தமிழக வெற்றி கழகம் என்ற கட்சியை நிறுவிய அவர், 2026-இல் சட்டமன்ற தேர்தலில் களமிறங்க போவதை திட்டவட்டமாக தெரிவித்திருந்தார்.
மேலும், கட்சி பணிகளை பொதுசெயலாளர் புஸ்ஸி ஆனந்த் மேற்கொண்டு வரும் நிலையில், விஜய் தனது படப்பிடிப்புகளில் பிஸியாக இருக்கின்றார். இதற்கிடையில், கட்சி பெயரில் எழுத்து பிழை இருப்பதாக பல விமர்சனங்கள் வந்தன.
மாற்றிய விஜய்
அதாவது தமிழக வெற்றி கழகம் என்பதில் வெற்றி'க்' கழகம் என வரவேண்டும் என பலரும் கருத்துக்களை அடுத்தடுத்து தெரிவித்து வந்தனர். கட்சிப் பெயரிலேயே தவறு இருப்பதாக பிற கட்சியினரும் விமர்சித்து வந்தனர்.
இதனையடுத்து தனது கட்சியின் பெயரில் ‘க்’ சேர்த்து ‘தமிழக வெற்றிக் கழகம்’ என மாற்ற நடிகர் விஜய் ஒப்புதல் அளித்துள்ளதாக கூறப்பட்டது. இந்நிலையில் அக்கட்சியின் அதிகாரபூர்வ சமூக வலைதள பக்கங்களில் 'தமிழக வெற்றிக் கழகம்' என்று பெயர் மாற்றம் செய்யப்பட்டுள்ளது.
