மதுரையில் அதிரும் களம் - திமுகவிற்கு ஆதரவாக பரப்புரை செய்ய போகும் சூரி..?

நடைபெறவுள்ள மக்களவை தேர்தல் பிரச்சாரம் களம் சூடுபிடித்துள்ளது.

மக்களவை தேர்தல்

இன்னும் ஒரு மாத கால இடைவேளை கூட இல்லாத நிலையில் தமிழகத்தில் மக்களவை தேர்தல் களம் சூடுபிடித்துள்ளது. திமுக கூட்டணி - அதிமுக கூட்டணி - பாஜக கூட்டணி - நாம் தமிழர் என 4 முனை போட்டி தமிழ்கத்தில் நிலவுகிறது.

அனைத்து கட்சியினரும் தங்களது வேட்பாளர்களை அறிவித்து தீவிர பரப்புரையில் ஈடுபட்டுள்ளனர். தமிழக அமைச்சரவையை சேர்ந்த அனைவருமே ஆளும் திமுகவிற்கு ஆதரவாக வாக்குகளை சேகரித்த வண்ணம் உள்ளனர்.

திரை பிரபலங்களும் ஆங்காங்கே பரப்புரையில் ஈடுபடப்போவதாக கூறப்படும் நிலையில், திமுகவிற்கு ஆதரவாக நடிகர் சூரி பிரச்சாரம் செய்யவுள்ளார் என்ற செய்திகள் வெளிவந்த வண்ணம் உள்ளன.

திமுகவை விமர்சித்து ரிமோட்டால் டிவியை உடைத்தது இதனால்தான் - கமல்ஹாசன் விளக்கம்!

சூரி பிரச்சாரம் செய்கிறாரா..?

திமுகவின் அமைச்சர்கள் பழனிவேல் தியாகராஜன், உதயநிதி ஸ்டாலின் ஆகியோருடன் நெருங்கிய நட்பு வட்டாரத்தில் நீடோகும் அவர் பரப்புரை மேற்கொள்வர் என்ற கருத்துக்கள் அதிகரித்த நிலையில், அது குறித்து சூரியே விளக்கமளித்துள்ளார்.

மதுரையில் அமைச்சர் உதயநிதி ஸ்டாலின் கூட்டணி கட்சி வேட்பாளரான சு. வெங்கடேசனை ஆதரித்து பிரச்சாரம் மேற்கொண்ட நிலையில், அவரை நேரில் சந்தித்து தனது வாழ்த்துக்களை தெரிவித்தார் சூரி.

அதனை தொடர்ந்தே இந்த கேள்விகள் அதிகரித்த நிலையில், செய்தியாளரிடம் பேசிய சூரி, தான் தற்பொழுது படங்களில் பிஸியாக நடித்து வருவதாக குறிப்பிட்டு அது அமைச்சர் உதயநிதிக்கு தெரியும் என்றும், ஆகையால் அவர் தன்னை அழைக்கவில்லை என தெரிவித்தார்.