அது தப்புதான்.. அப்படி நடந்திருக்க கூடாது, மனதார மன்னிப்பு கேட்கிறேன் - மேடையில் ராகவா லாரன்ஸ்!

நடந்த தவறுக்காக நடிகர் ராகவா லாரன்ஸ் மேடையில் மன்னிப்பு கேட்டுள்ளார்.

இசை வெளியீட்டுவிழா

நடிகர் ராகவா லாரன்ஸ் நடிப்பில் பி. வாசு இயக்கத்தில் உருவாகி வரும் படம் 'சந்திரமுகி 2'. இதில் முக்கியக் கதாபாத்திரத்தில் பிரபல இந்தி நடிகை கங்கனா ரணாவத், வடிவேலு மற்றும் ராதிகா நடித்துள்ளார்கள். இப்படம் தமிழ், இந்தி, தெலுங்கு, மலையாளம் மற்றும் கன்னடத்தில் வெளியாகவுள்ளது.

இப்படத்தின் இசை வெளியீட்டு விழா சில தினங்களுக்கு முன்பு நடைபெற்றது. அப்பொழுது கல்லூரி மாணவர் ஒருவர் படக்குழுவின் நுழைவு வாயில் வழியே உள்ளே செல்லும்பொழுது அவரை பவுன்சர்கள் அடித்து தாக்கிய வீடியோ சமூக வலைத்தளத்தில் வைரலாகி வந்தது.

நடிகர் ராகவா லாரன்ஸ்

இந்நிலையில், நடிகர் ராகவா லாரன்ஸ் தனது டுவிட்டர் பக்கத்தில் மன்னிப்பு கேட்டு பதிவிட்டுள்ளார். அதில், "எங்களின் சந்திரமுகி-2 திரைப்படத்தின் ஆடியோ வெளியீட்டு விழாவின் போது பவுன்சர் ஒருவர் கல்லூரி மாணவனுடன் சண்டையில் ஈடுபட்ட அசம்பாவித சம்பவத்தை நான் அறிந்தேன். இந்த சம்பவம் அரங்கிற்கு வெளியே நடந்ததால் நானோ அல்லது ஏற்பாட்டாளர்களோ இந்த சம்பவம் குறித்து அறிந்திருக்கவில்லை.

Hello everyone, I just came to know about the unfortunate incident which happened during our #Chandramukhi2 movie Audio Launch, where one of the Bouncers involved in a fist fight with a college student.

First of all myself or the organisers were not aware of this incident as it…

— Raghava Lawrence (@offl_Lawrence) August 27, 2023

எங்கள் மாணவர்களை நான் எவ்வளவு நேசிக்கிறேன் மற்றும் அவர்கள் வளர வேண்டும் என்று நான் விரும்புகிறேன் என்பது அனைவருக்கும் தெரியும். அப்படிப்பட்ட நபராக இருப்பதால், இதுபோன்ற சண்டைகளுக்கு நான் எப்போதும் எதிரானவன். காரணம் எதுவாக இருந்தாலும் ஒருவரை அடிப்பது கண்டிப்பாக தவறு.

குறிப்பாக மாணவராக இருக்கும் போது இது நடந்திருக்கவே கூடாது. அந்த நேரத்தில் நடந்ததற்கு நான் தனிப்பட்ட முறையில் மன்னிப்பு கேட்டுக் கொள்கிறேன். மேலும் இதுபோன்ற செயல்களில் இனிமேல் பவுன்சர்கள் ஈடுபட வேண்டாம் என்று மனதார கேட்டுக் கொள்கிறேன்" என்று கூறியுள்ளார்.