மலையேற சென்ற பிரபல நடிகர் மாயம், 6 மாதத்திற்கு பின் கிடைத்த உடல் - மர்மம் என்ன?
Vinothini
in பிரபலங்கள்
பிரபல நடிகர் 6 மாதங்களுக்கு முன்னர் மாயமானார், தற்பொழுது திடீரென அவர் உடல் காணாமல் போன இடத்திலேயே கிடைத்தது அதிர்ச்சியை ஏற்படுத்தியுள்ளது.
பிரபல நடிகர்
பிரபல பிரிட்டன் நடிகரான ஜூலியன் சாண்ட்ஸ், இவருக்கு 65 வயது ஆகிறது. இவர் ஹாலிவுட்டில் ‘தி கில்லிங் ஃபீல்ட்ஸ்’, ‘எ ரூம் வித் எ வியூ’, ‘வார்லாக்’, ‘லீவிங் லாஸ் வேகாஸ்’ போன்ற பல படங்களில் நடித்துள்ளார்.
இவர் கடந்த ஜனவரி மாதம் 13-ம் தேதி அமெரிக்காவின் லாஸ் ஏஞ்சல்ஸ் நகரத்தில் இருந்து 80 கி.மீ தூரத்தில் உள்ள சான் கேப்ரியல் மலைத்தொடரில் மலையேற சென்றார். அப்பொழுது அவர் எங்கு சென்றார் என்று தெரியவில்லை இவரை தேடுவதற்கு 80-க்கும் மேற்பட்டோர் தேடும் பணியில் ஈடுபட்டனர்.
மீட்கப்பட்ட உடல்
இந்நிலையில், ஹெலிகாப்டர் மற்றும் ட்ரோன் பயன்படுத்தி அவரை தேடும் பணியில் ஈடுபட்டனர். மோசமான வானிலை மற்றும் கடுமையான பனிச்சரிவு காரணமாகத் தேடும் பணியில் சிரமம் ஏற்பட்டது.
அதன்பிறகு இரு தினங்களுக்கு முன் அங்கு மலையேற சென்ற சிலர், ஒரு உடல் கிடப்பதைக் கண்டனர். உடனடியாக போலீஸுக்கு தகவல் தெரிவித்தனர். ஜூலியன் சாண்ட்ஸ் மாயமான இடத்திலேயே அந்த உடல் கிடைத்ததால், அது அவராக இருக்கலாம் என்று கூறப்படுகிறது.
