ஒரே நாளில் அக்கா, அண்ணன் மரணம் - சோகத்தில் மூழ்கிய நடிகர் போஸ் வெங்கட் குடும்பம்

நடிகர் போஸ் வெங்கட்டின் சகோதரியும், சகோதரரும் அடுத்தடுத்து உயிரிழந்த சம்பவம் சோகத்தை ஏற்படுத்தியுள்ளது.

 போஸ் வெங்கட்

சின்னத்திரை நடிகர் சங்க தலைவராக உள்ளவர் போஸ் வெங்கட். மெட்டி ஒலி தொடர் மூலம் பிரபலமானவர். திரைப்படங்களிலும் நடித்து வருகிறார். இந்நிலையில், போஸ் வெங்கட்டின் சகோதரி வளர்மதி மாரடைப்பு காரணமாக நேற்று சென்னையில் காலமானார்.

எம்.எம்.கே பகுதியில் உள்ள அவரது வீட்டில் இறுதிச் சடங்கு நடைபெற்றது. இதில் கலந்துக்கொள்ள போஸ் வெங்கட்டின் சகோதரரான ரங்கநாதன் சென்னை வந்துள்ளார். சகோதரியின் இழப்பை தாங்க முடியாமல் ரங்கநாதன் கதறி அழுதுள்ளார்.

அடுத்தடுத்து துயரம்

அப்போது அவருக்கு திடீரென மாரடைப்பு ஏற்பட்டு சகோதரியின் உடல் மீது சாய்ந்து விழுந்து மரணம் அடைந்தார். சகோதரியின் உடல் அடக்கம் செய்யப்பட்டது. சகோதரர் மறைந்த ரங்கநாதன் உடல் சொந்த ஊரான அறந்தாங்கிக்கு எடுத்து செல்லப்பட்டு இன்று இறுதி சடங்குகள் நடைபெறும் எனத் தெரிவிக்கப்பட்டுள்ளது.

தொடர்ந்து, திரையுலகத்தினர் பலர் இரங்கல்களை தெரிவித்து வருகின்றனர்.