ஆஸ்கர் விருது பெற்ற பிரபல நடிகர் உயிரிழப்பு - சோகத்தில் திரையுலகம்!

 ஹாலிவுட்டில் பிரபலமான நடிகர் உயிரிழந்ததால் திரையுலகினர் சோகத்தில் உள்ளனர்.

பிரபல நடிகர்

ஹாலிவுட்டில் பிரபல நடிகரான ஆலன் ஆர்கின் பல படங்களில் நடித்துள்ளார். இவர் கடந்த 2006-ஆம் ஆண்டு வெளியான "லிட்டில் மிஸ் சன்ஷைன்" என்ற திரைப்படத்தில் குணச்சித்திர வேடத்தில் நடித்தார்.

இந்த படத்திற்காக இவர் சிறந்த துணை நடிகருக்கான ஆஸ்கர் விருதை வென்றார். மேலும், இவர் 1963-ம் ஆண்டு 'என்டர் லாபிங்' என்ற படத்திற்காக டோனி விருதை வென்றார். தொடர்ந்து, 1968-ம் ஆண்டு 'லிட்டில் மர்டர்ஸ்' திரைப்படத்தை இயக்கியதற்காக டிராமா டெஸ்க் விருதையும் வென்றார்.

இவர் சமீபத்தில், நெட்பிளிக்ஸ் ஓடிடி தளத்தில் வெளியான 'தி கோமின்ஸ்கை மெத்தட்' வெப் தொடரில் தனது சிறந்த நடிப்பை வெளிப்படுத்தியிருந்தார்.

மறைவு

இந்நிலையில், இவர் வயது மூப்பின் காரணமாக தனது 83 வயதில் காலமானார். இவர் மறைவை அவரது மகன்களான ஆடம், மேத்யூ மற்றும் ஆன்டனி உறுதிப்படுத்தியுள்ளனர். பன்முகத்தன்மைக் கொண்ட இவர் மறைந்த செய்தி பாலிவுட் திரையுலகில் சோகத்தை ஏற்படுத்தியுள்ளது.

இவரது மறைவிற்கு பலரும் இரங்கல் தெரிவித்து வருகின்றனர். மேலும், இவரது ரசிகர்கள் இவரது இறப்பினால் சோகத்தில் உள்ளனர்.