விஜய்யை தொடர்ந்து அரசியலில் களமிறங்கப்போகும் அஜித்? - ஷாக்கில் ரசிகர்கள்!

நடிகர் விஜய்க்கு அடுத்ததாக அஜித் அரசியலில் முனைப்புடன் இருக்கிறாரா என்று ரசிகர்கள் கேள்வி எழுப்பி வருகின்றனர்.

நடிகர் அஜித்

தமிழ் சினிமாவில் டாப் நடிகராக இருப்பவர் நடிகர் அஜித் குமார். இவர் சினிமாவில் அமராவதி என்ற படத்தின் மூலம் அறிமுகமானார். 1995ம் ஆண்டு வெளியான ஆசை படம் தான் அஜித்துக்கு மிகப் பெரிய ஹிட் கொடுத்தது. இவர் அதன்பிறகு பல படங்களில் நடித்து தனது மாஸான நடிப்பினால் ரசிகர்களை ஈர்த்துள்ளார்.

இவருக்கென்று ஒரு ரசிகர் பட்டாளமே உள்ளது. இவர் நடிகை ஷாலினியை காதலித்து திருமணம் செய்துகொண்டார், இவர்களுக்கு 2 குழந்தைகள் உள்ளனர். நடிகர் அஜித் நிஜத்தில் ஒரு பைக் ரேசர், துப்பாக்கி சுடுதல் வீரர், மேலும், பல திறமைகளை கொண்டவர்.

அரசியலில் முனைப்பா?

இந்நிலையில், லைகா நிறுவனம் தயாரிபில், மகிழ் திருமேனி இயக்கவுள்ள விடாமுயற்சி படத்தில் நடிக்கவுள்ளார். இவர் பெரிதாக வெளியுலகத்திற்கு தன்னை கட்டிக்கொள்ளமாட்டார், ஆனால் சில நாட்களாக இவரது புகைப்படங்கள் வெளியாகி வருகிறது. இதுவே ரசிகர்களுக்கு ஒரு விருந்தாக அமைந்துள்ளது.

சமீபத்தில் அதிமுகவை சேர்ந்த அரசியல்வாதியான ஓ.பி.எஸ் அஜித்தை பார்த்து விட்டு சென்ற புகைப்படங்கள் இணையத்தில் வைரலானது. தற்பொழுது மீண்டும் 2 பேர் வெள்ளை சட்டை, வேஷ்டி அணிந்துகொண்டு இருக்கும் அரசியல்வாதிகளுடன்  அஜித் நிற்பது போன்ற புகைப்படம் வெளியாகியுள்ளது.

இதனால் ரசிகர்கள் இவர் அரசியலில் களமிறங்கப்போகிறாரா? என்று கேட்டு வருகின்றனர். ஆனால், நடிகர் அஜித் இது குறித்து எந்த தகவலும் தெரிவிக்கவில்லை.