இளம் இயக்குநருடன் இணையும் நடிகர் விஜய் - பெரும் எதிர்பார்ப்பில் திரையுலகம்

 இளம் இயக்குநர் தேசிங்கு பெரியசாமி இயக்கத்தில் நடிகர் விஜய் நடிக்கவுள்ளதாக தகவல் வெளியாகியுள்ளது.

மாஸ்டர் படத்தை தொடர்ந்து நடிகர் விஜய் அடுத்ததாக நெல்சன் திலீப்குமார் இயக்கத்தில் ‘பீஸ்ட்’ படத்தில் நடித்து வருகிறார். இந்த படத்தில் பூஜா ஹெக்டே, இயக்குநர் செல்வராகவன் உள்ளிட்ட பலர் நடிக்கின்றனர்.

அனிருத் இசையமைக்கும் இப்படத்தை சன் பிக்சர்ஸ் நிறுவனம் தயாரிக்கிறது. இதனைத் தொடர்ந்து விஜய்யின் 66வது படத்தை யார் இயக்கப்போகிறார்கள் என்ற கேள்வி எழுந்துள்ளது.

தெலுங்கு இயக்குனர் வம்சியுடன் பேச்சுவார்த்தையில் உள்ளதாக தகவல்கள் வெளியானது.

இந்நிலையில் தற்போது கண்ணும் கண்ணும் கொள்ளையடித்தால் படத்தின் இயக்குநர் தேசிங் பெரியசாமி சொன்ன கதை நடிகர் விஜய்க்கு பிடித்துவிட்டதாகவும், அதனால் 66வது படத்தை அவரே இயக்க அதிக வாய்ப்புள்ளதாகவும் கூறப்படுகிறது.