நடிகர் அஜித் வீட்டின் கேட் உள்பட சுற்றுச்சுவரை முற்றிலுமாக இடித்த அதிகாரிகள் - எதற்காக?

சாலை விரிவாக்கம் மற்றும் மழைநீர் வடிகால் பணிகளுக்காக நடிகர் அஜித்குமார் வீட்டின் கேட் உள்பட சுற்றுச்சுவர் முற்றிலுமாக இடிக்கப்பட்டுள்ளது.

நடிகர் அஜித்

சென்னை திருவான்மியூரில் நடிகர் அஜித்குமாரின் வீடு உள்ளது. அங்கு குடும்பத்தோடு வசித்து வந்த அவர் தற்போது ஈஞ்சம்பாக்கத்தில் உள்ள வீட்டில் வசித்து வருகிறார். கிழக்கு கடற்கரை சாலையில், சாலை விரிவாக்கம் மற்றும் மழைநீர் வடிகால் பணிகள் நடைபெற்று வருகிறது.

அந்த பணிகளுக்காக பல வீடுகளின் சுற்றுச்சுவர்கள் இடக்கப்பட்டுள்ளன. அந்த வகையில் தற்போது நடிகர் அஜித்தின் வீட்டின் சுற்றுச்சுவரும் பொக்லைன் இயந்திரத்தால் இடிக்கப்பட்டுள்ளது.

சிவா..அவ்ளோ ஈசியா என் இடத்த குடுக்க மாட்டேன்; இமானுக்கு வாழ்த்துக்கள் - நடிகர் தனுஷ்!

சாலை விரிவாக்க பணிகள்

மேலும் வீட்டின் கேட் உட்பட மதில் சுவரும் முற்றிலுமாக இடிக்கப்பட்டுள்ளது. இதனால் வீட்டிலிருந்து வெளியே நடந்து செல்வதற்காக சாலையோர பள்ளத்தின் நடுவே இரும்பு தகடுகள் தற்காலிகமாக அமைக்கப்பட்டுள்ளன.

இந்த பணிகள் காரணமாக நடிகர் அஜித் மற்றும் வளாகத்தில் வசித்து வருபவர்களும் வீட்டிலிருந்து நேரடியாக ஈசிஆர் கிழக்கு கடற்கரை சாலையை அடைய முடியாத நிலை ஏற்பட்டு சிரமத்திற்கு உள்ளாகியுள்ளனர். 

You May Like This Video