ஓ.பன்னீர்செல்வம் பெயரில் 5 பேர் வேட்புமனு தாக்கல் - பெரும் குழப்பத்தில் ராமநாதபுரம்!

ராமநாதபுரம் தொகுதியில் முன்னாள் முதல்வர் ஓ.பன்னீர்செல்வத்திற்கு எதிராக, அதே பெயரை கொண்ட 4 பேர் வேட்புமனு தாக்கல் செய்துள்ளனர்.

ஓ.பன்னீர்செல்வம் 

பாஜக கூட்டணி சார்பில் ராமநாதபுரம் மக்களவை தொகுதியில் முன்னாள் முதல்வர் ஓ.பன்னீர்செல்வம் சுயேட்சையாக தேர்தலில் போட்டியிடுகிறார். இதற்காக தனது ஆதரவாளர்களுடன் நேற்று வேட்புமனு தாக்கல் செய்தார்.

இதனையடுத்து சுயேச்சை வேட்பாளராக மதுரை மாவட்டம் மேக்கிழார்பட்டியைச் சேர்ந்த ஒச்சப்பன் மகன் பன்னீர்செல்வம் (ஓ.பன்னீர்செல்வம்) என்பவர் வேட்புமனு தாக்கல் செய்தார். 

மக்களவை தேர்தல் - வீரப்பன் மகளின் அசையும், அசையா சொத்து மதிப்பு தெரியுமா?

பெரும் குழப்பம் 

இந்நிலையில் ஓ.பன்னீர்செல்வம் என்ற பெயரில் இன்று ஒரே நாளில்  3 பேர் வேட்புமனு தாக்கல் செய்துள்ளனர். இதனால் அந்த தொகுதியில் ஒரே பெயரில் போட்டியிடும் சுயேட்சை வேட்பாளர்களின் எண்ணிக்கை 5 ஆக உயர்ந்துள்ளது.

இந்த 5 பேரும் சுயேட்சையாக தனிச் சின்னத்தில் போட்டியிட உள்ளதால், தேர்தலில் பெரும் குழப்பம் ஏற்பட வாய்ப்பு உள்ளதாக தெரிகிறது. இந்நிலையில் ஓ.பன்னீர்செல்வத்திற்கு எதிராகவும், வாக்காளர்களிடையே குழப்பத்தை ஏற்படுத்தவும் இதுபோன்று செயல்படுவதாக ஓ.பன்னீர்செல்வம் தரப்பு தரப்பு குற்றம் சாட்டியுள்ளது.