தமிழகத்தில் மேலும் உருவாகும் 5 புதிய மாவட்டங்கள்.. தமிழக அரசு அறிவிப்பு - விவரம் இதோ!
தமிழகத்தில் 5 புதிய மாவட்டங்கள் உருவாக்கப்பட உள்ளதாக தகவல் பரவி வருகிறது.
மாவட்டங்கள்
தமிழ்நாட்டில் மொத்தம் 38 மாவட்டங்கள் உள்ளன. இந்த நிலையில், அண்மையில் கும்பகோணம், பொள்ளாச்சி, விருத்தாசலம், ஆத்தூர் மற்றும் செய்யாறு ஆகிய 5 புதிய மாவட்டங்கள் உருவாக்கப்பட உள்ளது எனவும்,
வருகின்ற குடியரசு தினத்தன்று இதற்கான அதிகாரபூர்வ அறிவிப்பு வெளியாக உள்ளதாகவும் சமூக வலைத்தளங்களில் தகவல் பரவி வருகிறது. இந்த தகவலை தமிழக அரசின் தகவல் சரிபார்ப்பகம் மறுத்துள்ளது.
தமிழக அரசு
இது தொடர்பாக தகவல் சரிபார்ப்பகம் வெளியிட்டிருந்த அறிக்கையில், "தமிழ்நாட்டில் கும்பகோணம், பொள்ளாச்சி, விருத்தாசலம், ஆத்தூர், செய்யாறு ஆகிய 5 புதிய மாவட்டங்களை உருவாக்குவது தொடர்பாக குடியரசு தினத்தன்று அறிவிப்பு வெளியாகவுள்ளது என்று
ஒரு நாளிதழின் புகைப்படம் வலைத்தளங்களில் பகிரப்பட்டு வருகிறது. இது முற்றிலும் பொய்யான தகவல். இந்தப் புகைப்படம் பல மாதங்களாகப் பகிரப்பட்டு வருகிறது. இது போன்ற எந்த அறிவிப்பும் தமிழ்நாடு அரசால் வெளியிடப்படவில்லை" என்று விளக்கமளித்துள்ளது.
