4,000 ஆண்டுகள் பழமையான நகரம் கண்டுபிடிப்பு - வெளிவந்த ரகசியங்கள்!
4,000 ஆண்டுகள் பழமையான நகரம் கண்டுபிடிக்கப்பட்டிருப்பது ஆச்சர்யத்தை ஏற்படுத்தியுள்ளது.
பழமையான நகரம்
சவூதி அரேபியாவில் தொல்பொருள் ஆராய்ச்சியாளர்கள் ஒரு புதிய தளத்தை கண்டுபிடித்துள்ளனர். அந்த 4,000 ஆண்டுகள் பழமையான நகரத்தின் எச்சங்களுக்கு al-Natah என்று பெயரிட்டுள்ளனர்.

இது கிமு 2400 முதல் கிமு 1400 வரை இருக்கலாம் என்று மதிப்பிடப்பட்டுள்ளது. இதில் சுமார் 500 பேர் வாழ்ந்திருக்கலாம் என்று கூறப்படுகிறது. கட்டடக்கலை நிபுணரான Guillaume Charloux தலைமையிலான பிரெஞ்சு-சவுதி குழு, 14.5 கிலோ மீட்டர் நீளமுள்ள சுவரால் சூழப்பட்ட 50 தனித்துவமான குடியிருப்புகளை படம்பிடித்துள்ளது.
al-Natah
தொடர்ந்து, அந்த இடத்தில் வான்வழி ஆய்வுகளை மேற்கொண்டுள்ளனர். இந்த நகரத்தின் சுவர்கள் ஐந்து மீட்டர் உயரம் இருந்துள்ளது.

பீங்கான் பானைகள் மற்றும் உலோக ஆயுதங்கள் உட்பட அல்-நாடாவில் காணப்படும் கலைப்பொருட்கள், சமத்துவ சமூக அமைப்புடன் ஒப்பீட்டளவில் வளர்ந்த சமுதாயத்தை எடுத்துக்காட்டுகின்றன.
இந்நிலையில், இது தெற்கு அரேபியாவை மத்திய தரைக்கடலுடன் இணைக்கும் தூப பாதை போன்ற பாதைகளின் அடிப்படையை உருவாக்கி இருக்கலாம் என்று தெரிவித்துள்ளனர்.
எலும்புக் கூடுகளுக்கு பின்னால் இருக்கும் உண்மை தெரியவேண்டும்:காணாமல் ஆக்கப்பட்டோரின் உறவுகள் IBC Tamil
இந்துசமுத்திரத்தில் சக்திவாய்ந்த நிலநடுக்கம் : சுனாமி அச்சுறுத்தல் குறித்து வெளியான அறிவிப்பு IBC Tamil