இதனைத்தொடர்ந்து, ரூ. 75,000 வரையிலான விவசாயிகளின் பயிர்க்கடன் மட்டுமே முழுமையாகத் தள்ளுபடி செய்யப்படும் என்று அறிவிக்கப்பட்டது.

இந்நிலையில், விவசாயிகளுக்கான பயிர்க்கடன் முழுமையாக எப்போது தள்ளுபடி என்று முதல்வர் விஜய்க்கு எதிர்க்கட்சித் தலைவர் உதயநிதி ஸ்டாலின் கேள்வி எழுப்பியுள்ளார்.

இதுதொடர்பாக, தனது எக்ஸ் பக்கத்தில் எதிர்க்கட்சி தலைவர் உதயநிதி ஸ்டாலின் பதிவு வெளியிட்டுள்ளார்.

வெளியிட்ட பதிவு 

விவசாயிகளுக்கான பயிர்க்கடன் தள்ளுபடி எப்போது அறிவிக்கப் போகிறார் Dummy CM?

முழுப்பயிர்க்கடன் தள்ளுபடி செய்வோம் என்று வாக்குறுதி கொடுத்தவர்கள், ஆட்சிக்கு வந்த பிறகு, விவசாயிகளை Slab வாரியாக பிரித்து சொற்ப அளவிலான தொகையை மட்டுமே தள்ளுபடி செய்வதாக அறிவித்தார்கள்.

அதனை தி.மு.கழகம் உள்ளிட்ட எதிர்க்கட்சிகளும், விவசாய சங்கங்களும் கடுமையாக எதிர்த்தன. 

இந்த சூழலில் விவசாயிகள் போராட்டம் நடத்திய போது, தாராபுரம், மதுராந்தகம் இடைத்தேர்தல் முடிந்து பேச்சுவார்த்தைக்கு அழைப்போம் என்று மங்குனி அமைச்சர்கள் கூறினார்கள்.

இடைத்தேர்தல் முடிந்து ஒரு மாதம் ஆகப்போகிறது. இன்னமும் விவசாயிகளுக்கான பயிர்க்கடன் தள்ளுபடி தொடர்பாக இந்த சோப்ளாங்கி அரசு வாய்த்திறக்காமல் இருப்பது ஏன்?

விவசாயிகளுக்கான பயிர்க்கடன் தள்ளுபடி எப்போது அறிவிக்கப் போகிறார் Dummy CM? முழுப்பயிர்க்கடன் தள்ளுபடி செய்வோம் என்று வாக்குறுதி கொடுத்தவர்கள், ஆட்சிக்கு வந்த பிறகு, விவசாயிகளை Slab வாரியாக பிரித்து சொற்ப அளவிலான தொகையை மட்டுமே தள்ளுபடி செய்வதாக அறிவித்தார்கள். அதனை தி.மு.கழகம் உள்ளிட்ட எதிர்க்கட்சிகளும், விவசாய சங்கங்களும் கடுமையாக எதிர்த்தன. இந்த சூழலில் விவசாயிகள் போராட்டம் நடத்திய போது, தாராபுரம், மதுராந்தகம் இடைத்தேர்தல் முடிந்து பேச்சுவார்த்தைக்கு அழைப்போம் என்று மங்குனி அமைச்சர்கள் கூறினார்கள். இடைத்தேர்தல் முடிந்து ஒரு மாதம் ஆகப்போகிறது. இன்னமும் விவசாயிகளுக்கான பயிர்க்கடன் தள்ளுபடி தொடர்பாக இந்த சோப்ளாங்கி அரசு வாய்த்திறக்காமல் இருப்பது ஏன்? இந்த அரசின் மவுனத்தைப் பார்க்கும் போது, மறுபடியும் சொற்ப தொகையை மட்டும் தள்ளுபடி என்று அறிவிக்க முயற்சி நடப்பது போல் தெரிகிறது என்று விவசாயிகள் கவலை தெரிவிக்கின்றனர். பண்டிகையைக் கூட கொண்டாட முடியாமல் சோகத்தில் இருக்கும் விவசாயிகள் அடுத்து வரும் பொங்கல் திருநாளையாவது நிம்மதியாக கொண்டாட முடியுமா என்ற வேதனையில் இருக்கிறார்கள். காவிரியில் முறையாக தண்ணீரை திறக்காமல் விவசாயிகளை வஞ்சித்ததால் குறுவை பொய்த்தது. அப்போது, வறட்சி நிவாரணம் வழங்க வேண்டும் என்று சட்டமன்றத்தில் நாம் பேசிய போது, ‘ஏற்கனவே கொடுத்துவிட்டோம்’ என்று குறுவை சிறப்புத் தொகுப்பை வறட்சி நிவாரணம் என Confident-ஆக பொய் சொன்ன முதலமைச்சர், இப்போது என்ன சொல்லப் போகிறார்? இந்த முறையும் விவசாயிகளை ஏமாற்றாமல், கழக ஆட்சிக்காலங்களில் போல, அனைத்து விவசாயிகளுக்குமான அனைத்துப் பயிர்க்கடனையும் இந்த Circus அரசு ரத்து செய்ய வேண்டுமென கேட்டுக்கொள்கிறேன்.

— Udhay (@Udhaystalin) November 5, 2026

இந்த அரசின் மவுனத்தைப் பார்க்கும் போது, மறுபடியும் சொற்ப தொகையை மட்டும் தள்ளுபடி என்று அறிவிக்க முயற்சி நடப்பது போல் தெரிகிறது என்று விவசாயிகள் கவலை தெரிவிக்கின்றனர்.  

பண்டிகையைக் கூட கொண்டாட முடியாமல் சோகத்தில் இருக்கும் விவசாயிகள் அடுத்து வரும் பொங்கல் திருநாளையாவது நிம்மதியாக கொண்டாட முடியுமா என்ற வேதனையில் இருக்கிறார்கள்.

காவிரியில் முறையாக தண்ணீரை திறக்காமல் விவசாயிகளை வஞ்சித்ததால் குறுவை பொய்த்தது.

அப்போது, வறட்சி நிவாரணம் வழங்க வேண்டும் என்று சட்டமன்றத்தில் நாம் பேசிய போது, ‘ஏற்கனவே கொடுத்துவிட்டோம்’ என்று குறுவை சிறப்புத் தொகுப்பை வறட்சி நிவாரணம் என Confident-ஆக பொய் சொன்ன முதலமைச்சர், இப்போது என்ன சொல்லப் போகிறார்?

இந்த முறையும் விவசாயிகளை ஏமாற்றாமல், கழக ஆட்சிக்காலங்களில் போல, அனைத்து விவசாயிகளுக்குமான அனைத்துப் பயிர்க்கடனையும் இந்த Circus அரசு ரத்து செய்ய வேண்டுமென கேட்டுக்கொள்கிறேன்.

அமெரிக்கத் தேர்தல் எதிரொலியாக நேற்று (நவம்பர் 4) காலையில் உயர்ந்த தங்கம் விலை, மதிய வேளையிலும் மீண்டும் அதிரடியாக அதிகரித்தது. இதன்படி, 22 காரட் தங்கம் ஒரு கிராம் ரூ.13,100 ஆகவும், ஒரு சவரன் ரூ.1,04,800 ஆகவும் விற்பனை செய்யப்பட்டது.

இன்றைய நிலவரம் 

இந்நிலையில், இன்று (நவம்பர் 5) மீண்டும் தங்கம் விலை உயர்ந்துள்ளது. 22 காரட் தங்கம் கிராமுக்கு ரூ.285 அதிகரித்து ரூ.13,385 ஆகவும், சவரனுக்கு ரூ.2,280 அதிகரித்து ரூ.1,07,080 ஆகவும் விற்பனை செய்யப்படுகிறது.

கடந்த இரண்டு நாட்களில் மட்டும் ஒரு சவரன் தங்கத்தின் விலை ரூ.4,680 உயர்ந்துள்ளது. அதேபோல், 18 காரட் தங்கம் கிராமுக்கு ரூ.220 அதிகரித்து ரூ.10,955 ஆகவும், சவரனுக்கு ரூ.1,800 அதிகரித்து ரூ.87,640 ஆகவும் விற்பனை செய்யப்படுகிறது.

வெள்ளி விலை 

இதற்கிடையில், வெள்ளி விலையில் மாற்றமின்றி ஒரு கிராம் ரூ.210 ஆகவும், ஒரு கிலோ ரூ.2,10,000 ஆகவும் விற்பனை செய்யப்படுகிறது.

சில்லறை பிரச்சனை

தெலங்கானா மாநிலம் பத்ராத்ரி கொத்தகூடம் மாவட்டம் அஸ்வாபுரம் பகுதியில் அக்டோபர் 25ஆம் தேதி, அரசுப் பேருந்தில் பெண் ஒருவர் தனது மகனுடன் பயணம் செய்துள்ளார்.

அப்போது, சிறுவனுக்கு பயணச்சீட்டு எடுக்க முடியாது எனக் கூறி அவர் மறுத்துள்ளார். இதனால், பெண் பயணிக்கும் நடத்துநர் குண்ட்லா பிரவல்லிகாவுக்கும் (24) இடையே வாக்குவாதம் ஏற்பட்டது.

பின்னர், அந்த பெண் ரூ.100 கொடுத்து மகனுக்கும் சேர்த்து பயணச்சீட்டு எடுத்துள்ளார். ஆனால், சில்லறை கொடுப்பது தொடர்பாக மீண்டும் இருவருக்கும் இடையே தகராறு ஏற்பட்டுள்ளது.

இதில் ஆத்திரமடைந்த பெண், ஓடும் பேருந்தில் இருந்து நடத்துநர் பிரவல்லிகாவை கீழே தள்ளியுள்ளார். 

பெண் நடத்துநர் பலி

ஓடும் பேருந்தில் இருந்து கீழே விழுந்த பெண் நடத்துனரின் காலில், பேருந்தின் பின்சக்கரம் ஏறியதால் பலத்த காயமடைந்தார்.

இந்நிலையில், சிகிச்சை பலனின்றி புதன்கிழமை அவர் உயிரிழந்தார். இதனைத்தொடர்ந்து, அந்த பெண் பயணி மீது தற்போது கொலை வழக்கும் பதிவு செய்யப்பட்டுள்ளது.

நடத்துநர் பிரவல்லிகாவின் மறைவுக்கு தெலங்கானா முதல்வர் ரேவந்த் ரெட்டி மற்றும் போக்குவரத்துத் துறை அமைச்சர் பிரபாகர் இரங்கல் தெரிவித்துள்ளனர்.

மேலும், அவரது குடும்பத்துக்கு ரூ.10 லட்சம் இழப்பீடு வழங்கப்படும் என்றும், அவரது தாயாருக்கு வீடு மற்றும் அரசு வேலை வழங்கப்படும் என்றும் அறிவிக்கப்பட்டுள்ளது.