தங்கை குளிக்கும்போது ஆபாச படம் எடுத்த அண்ணன் - திருமணம் செய்து கொள்ள மிரட்டல்

தங்கை குளிக்கும்போது ஆபாச படம் எடுத்து திருமணம் செய்து கொள்ள வேண்டும் என மிரட்டிய அண்ணனால் அதிர்ச்சி.

திருவாரூர் மாவட்டம் வலங்கைமான் பகுதியைச் சேர்ந்த 17 வயது சிறுமி. இவருடைய தூரத்து சொந்தமான மோகன்ராஜ் சிறுமிக்கு அண்ணன் முறை எனக் கூறப்படுகிறது.

இந்நிலையில் சிறுமி குளிக்கும்போது ஆபாச படம் எடுத்து சிறுமியிடம் படத்தை காட்டி சமூக வலைதளங்களில் பரப்பி விடுவேன் என்று மிரட்டியுள்ளார்.

திருமணம் செய்து கொள்ள வேண்டுமெனவும் மிரட்டியுள்ளார். மேலும் மோகன்ராஜ் மற்றும் அவரது தந்தை தாயார் மற்றும் அவரது தம்பி ஆகியோர் சேர்ந்து சிறுமியை அடித்து துன்புறுத்தியுள்ளனர்.

இது குறித்து மனமுடைந்த சிறுமி அரளி விதையை அரைத்து குடித்து விட்டார். மயங்கிய நிலையில் சிறுமியை மீட்டு கும்பகோணம் அரசு மருத்துவமனையில் சிகிச்சைக்காக அனுமதித்துள்ளனர்.

இது குறித்து சிறுமியின் தாயார் நன்னிலம் அனைத்து மகளிர் காவல் நிலையத்தில் புகார் கொடுத்துள்ளார் புகாரின் அடிப்படையில் மோகன்ராஜ் என்பவர் மீது போக்சோ சட்டத்தின் கீழ் வழக்கு பதிவு செய்யப்பட்டுள்ளது.

மேலும் அவரது தந்தை தனிக்கொடி தாயார் சாந்தி, தம்பி பாக்கியராஜ் ஆகியோர் மீதும் வழக்குப்பதிவு செய்யப்பட்டு அனைவரையும் போலீசார் தேடி வருகின்றனர்.