'நாட்டு நாட்டு' பாடலுக்கு மாஸ் நடனமாடிய பிரபல WWE வீரர்கள் - இணையத்தில் வீடியோ வைரல்!
'நட்டு நாட்டு' பாடலுக்கு வீரர்கள் நடனமாடும் வீடியோ ஒன்று இணையத்தில் வைரலாகி வருகிறது.
WWE
90ஸ் கிட்ஸ்களின் ஃபேவரைட் நிகழ்ச்சி என்றால் அது WWE மல்யுத்த போட்டிதான். இந்த நிகழ்ச்சிக்கென உலகம் முழுவதும் ஒரு தனி ரசிகர் பட்டாளமே உள்ளது. அமெரிக்காவை சார்ந்த இந்த WWE நிறுவனம் போட்டிகளை உலகம் முழுவதும் பல நாடுகளில் நடத்தி வருகின்றனர்.
இந்த போட்டியானது ஏற்கனவே ஒருமுறை இந்தியாவில் நடைபெற்றுள்ளது. அந்த வகையில் சுமார் 6 வருடங்களுக்கு பிறகு மீண்டும் இந்தியாவில் (ஹைதராபாதில்) இந்த நிகழ்ச்சி அண்மையில் நடந்து முடிந்தது.
இதில் பல இளைஞர்களின் ஃபேவரைட் சூப்பர்ஸ்டார் ஆன ஜான் சீனாவும் (John Cena) கலந்து கொண்டார். மேலும், பல முன்னணி WWE நட்சத்திரங்களும் இந்த நிகழ்ச்சியில் கலந்து கொண்டனர்.
நாட்டு நாட்டு பாடல்
இந்நிலையில் இந்த மல்யுத்த போட்டி நடந்து கொண்டிருக்கும்போது இடையில், RRR திரைப்படத்திலிருந்து ஆஸ்கர் விருது பெற்ற பாடலான 'நாட்டு நாட்டு' பாடலுக்கு WWE வீரர்கள் நடனமாடிய வீடியோ ஒன்று சமூக வலைத்தளங்களில் வைரலாகி வருகிறது.
பிரபல WWE சூப்பர் ஸ்டார்களான ட்ரூ மெக்கின்டைர், ஜிந்தர் மஹால், சமி ஜெய்ன் மற்றும் கெவின் ஓவன்ஸ் ஆகிய வீரர்கள் ஒருவருக்கொருவர் தோளில் கை போட்டுக் கொண்டு நாட்டு நாட்டு பாடலுக்கு ஸ்டெப் போட்டு மகிழ்ந்தனர்.
இதனை ரசிகர்கள் பலரும் தற்போது சமூக வலைத்தளங்களில் அதிகமாக பதிவிட்டு வருகின்றனர்.
