உலகின் டாப் 10 பணக்காரர்கள் பட்டியலிலிருந்து வெளியேறினார் கவுதம் அதானி..!

அதானி குழுமத்தின் தலைவர் கவுதம் அதானி உலகின் முதல் 10 பணக்காரர்கள் பட்டியலில் இருந்து தற்போது வெளியேறியுள்ளார்.

3 நாட்களில் பல கோடிகளை இழந்த அதானி குழுமம் -

அமெரிக்காவை தளமாகக் கொண்ட ஹிண்டன்பர்க் ரிசர்ச், அதானி குழும நிறுவனங்களை "வெட்கக்கேடான பங்கு கையாளுதல் மற்றும் கணக்கியல் மோசடியில் ஈடுபட்டதாக குற்றம் சாட்டி அறிக்கை வெளியிட்டதை அடுத்து, அதானி குழும நிறுவனங்களின் பங்குகள் பங்குச் சந்தையில் இரத்தப்போக்கு தொடங்கியது.

அதன் பங்கில், அதானி குழுமம் ஹிண்டன்பர்க்கின் குற்றச்சாட்டுகளை நிராகரித்தது. குற்றச்சாட்டுகள் இந்தியா, அதன் நிறுவனங்கள் மற்றும் வளர்ச்சிக் கதையின் மீதான "கணக்கிடப்பட்ட தாக்குதல்" என்று கூறியது.

அதானி குழுமம் "பொய்யைத் தவிர வேறொன்றுமில்லை" என்று குற்றச்சாட்டுகளை நிராகரித்தது.

இதனையடுத்து, 3வது தொடர்ச்சியான வர்த்தக அமர்வில், பெரும்பாலான அதானியின் குழும நிறுவனங்கள் சரிந்தது. அதானி டோட்டல் கேஸ் 20 சதவீதமும், அதானி கிரீன் எனர்ஜி 19.99 சதவீதமும் சரிவை கண்டது. அதானி டிரான்ஸ்மிஷன் 14.91 சதவீதமும், அதானி பவர் 5 சதவீதமும் சரிந்தது.

அதானி வில்மர் பங்குகள் 5 சதவீதமும், என்டிடிவி 4.99 சதவீதமும், அதானி போர்ட்ஸ் (0.29 சதவீதம்) பங்குகளும் பிஎஸ்இயில் சரிந்து விழுந்தன. இருப்பினும், அதானி எண்டர்பிரைசஸ் பங்கு 4.21 சதவீதமும், அம்புஜா சிமெண்ட்ஸ் 1.65 சதவீதமும், ஏசிசி 1.10 சதவீதமும் உயர்ந்தது.

அதானி குழும நிறுவனங்களில் பெரும்பாலானவை சரிவில் முடிந்து, ஒருங்கிணைந்த எம்.கேப் 3 நாட்களில் ரூ.5.56 லட்சம் கோடி குறைந்துள்ளதாக தகவல் வெளியாகி அதிர்ச்சி ஏற்படுத்தியுள்ளது.

டாப் 10 பாணக்கார பட்டியலிலிருந்து வெளியேறிய அதானி

இந்நிலையில், உலகின் 3வது பணக்காரர் பட்டியலில் இருந்து வந்த தொழிலதிபர் கவுதம் அதானி 10ம் இடத்திலிருந்து வெளியேறி 11வது இடத்தை பிடித்துள்ளார். 

மேலும் அவரது நிறுவனங்களின் பங்குகள் தொடர்ந்து நஷ்டத்தை சந்தித்ததால் ஆசியாவின் பணக்காரர் என்ற பட்டத்தை விரைவில் அதானி இழக்க உள்ளார். இந்திய பில்லியனர் தொழிலதிபர், ப்ளூம்பெர்க் பில்லியனர்கள் குறியீட்டில் உலகின் 3வது பணக்காரர் பட்டியலிலிருந்து அதானி 11வது இடத்திற்கு சரிந்துள்ளார்.

கடந்த 3 வர்த்தக நாட்களில் அதானியின் தனிப்பட்ட சொத்து மதிப்பு 34 பில்லியன் டாலர்களாக குறைந்துள்ளது. அதானியின் தற்போதைய சொத்து மதிப்பு 84.4 பில்லியன் அமெரிக்க டாலர்கள், அதே சமயம் ரிலையன்ஸ் இண்டஸ்ட்ரீஸ் லிமிடெட் தலைவர் முகேஷ் அம்பானியின் நிகர மதிப்பு 82.2 பில்லியன் டாலர்கள் மற்றும் அவர் இப்போது உலகின் 12வது பணக்காரராக உள்ளார்.

கடந்த ஆண்டு அதானியின் நிறுவனங்கள் சுமார் 40 பில்லியன் டாலர்கள் மதிப்பிலான லாபத்தைப் பதிவு செய்ததால், அதானி மிகப்பெரிய செல்வத்தை ஈட்டினார் என்பது குறிப்பிடத்தக்கது.

பெர்னார்ட் அர்னால்ட் 189 பில்லியன் அமெரிக்க டாலர் சொத்து மதிப்புடன் உலகின் மிகப் பெரிய பணக்காரராக உள்ளார். டெஸ்லா தலைமை நிர்வாக அதிகாரி எலோன் மஸ்க் 160 பில்லியன் டாலர் நிகர மதிப்புடன் 2வது இடத்திலும், ஜெஃப் பெசோஸ் 124 பில்லியன் டாலர்களுடன் 3வது இடத்திலும் உள்ளனர்.