கத்தியை காட்டிய ரவுடி கும்பலை துணிச்சலுடன் விரட்டிய பெண் போலீஸ் - குவியும் பாராட்டு!

சென்னையில் கத்தியை காட்டி மிரட்டிய ரவுடி கும்பலை விரட்டி பிடிக்க உதவிய பெண் போலீசின் துணிச்சலான செயலுக்கு பாராட்டு தெரிவித்து வருகின்றனர்.

மெரினா

சென்னையில் உள்ள மெரினா கடற்கரையில் நேற்று ஞாயிற்று கிழமை என்பதால் மக்கள் கூட்டம் அதிகரித்து இருந்தது.

அங்கு காவலுக்கு ஆயுதப்படையை கலா என்ற பெண் காவலர் பாதுகாப்பு பணியில் ஈடுபட்டு இருந்தார்.

அப்பொழுது அங்கு இருசக்கர வாகனத்தில் வந்த 4 பேர் இரு தரப்பினராக மோதிக்கொண்டதில் தகராறு ஏற்பட்டது. இதனை கண்ட பெண் போலீஸ் அதனை தடுத்து சமாதானம் செய்ய முயன்றார்.

ஆனாலும் அவர்கள் சண்டையை நிறுத்தாமல் தகராறில் ஈடுபட்டனர்.

பெண் போலீஸ்

இந்நிலையில், அந்த பெண் போலீஸ் அதனை தடுக்க முயன்றபொழுது அவர்கள் கத்தியை காட்டி மிரட்டியுள்ளனர்.

ஆனாலும் அவர் பயப்படாமல் அவர்களை பிடிக்க முயற்சித்துள்ளார். அவர்கள் வாகனத்தில் தப்பி சென்றனர், அப்பொழுது அவர் அதனை தனது செல்போனில் படம் பிடித்துக்கொண்டார்.

பிறகு அதனை காவல் கட்டுப்பாட்டு அறைக்கு அனுப்பிவைத்தார். அதனை வைத்து அவர்களை நேற்று மாலை கைது செய்தனர்.

மேலும், அவர்கள் அங்கு வரும் காதலர்களை மிரட்டி பணம் பறிக்கும் கும்பலை சேர்ந்தவர்கள் என்று தெரியவந்தது.

இதனை அடுத்து இத்தகைய செயலை அந்த பெண் போலீசார் தனி ஆளாக துணிச்சலுடன் செய்ததற்கு உயர் அதிகாரிகள் பாராட்டு தெரிவித்து வருகின்றனர்.