அட்டகாசமான ஆஸ்கர் விருதுகள் : சிறந்த நடிகருக்கான ஆஸ்கர் விருதை வென்ற வில் ஸ்மித்

லாஸ் ஏஞ்சல்ஸ் நகரில் இன்று நடைபெற்று வரும் கோலாகலமான விழாவில் ஆஸ்கர் விருதுகள் அறிவிக்கப்பட்டு வருகின்றன. இந்நிலையில்,சிறந்த நடிகருக்கான ‘ஆஸ்கர் விருதை’ வில் ஸ்மித் வென்றுள்ளார்.கிங் ரிச்சர்ட் திரைப்படத்தில் நடித்ததற்காக வில் ஸ்மித்திற்கு ஆஸ்கர் விருது அறிவிக்கப்பட்டுள்ளது.

வீனஸ் – செரீனா வில்லியம்ஸ் சகோதரிகளின் தந்தையாக நடித்து சிறந்த நடிப்பை வெளிப்படுத்தியதற்காக ஆஸ்கர் விருதை வில் ஸ்மித் தட்டிச் சென்றுள்ளார்.

இதனிடையே இன்று காலை வெளியான அறிவிப்பின்படி,”DUNE” திரைப்படமானது சிறந்த ஒளிப்பதிவு, படத்தொகுப்பு, இசை,காட்சி அமைப்பு உள்ளிட்ட 6 பிரிவுகளில் ஆஸ்கர் விருதுகளை வென்றுள்ளது.

குறிப்பாக,சிறந்த ஒலி,தயாரிப்பு வடிவமைப்பு பிரிவுகளிலும் “DUNE” திரைப்படம் ஆஸ்கர் விருதுகளை தட்டிச் சென்றுள்ளது. அதே சமயம்,சிறந்த விஷ்வல் எபெக்ட்ஸ்க்கான ஆஸ்கர் விருதை DUNE படத்திற்காக நான்கு பேர் பெற்றுக் கொண்டனர்.

Will Smith Apologizes to Academy for Chris Rock Slap in Tearful Best Actor Speech https://t.co/c0EmtZSMfa

— Variety (@Variety) March 28, 2022

சிறந்த இசைக்கான ஆஸ்கர் விருதை DUNE திரைப்படத்திற்காக இசையமைப்பாளர்கள் பெற்றனர். மேலும்,வெஸ்ட் சைடு ஸ்டோரி படத்தில் நடித்த அரியானா டிபோஸ்-க்கு சிறந்த துணை நடிகைக்கான ஆஸ்கர் விருது அறிவிக்கப்பட்டுள்ளது.

? Will Smith wins the #Oscar for best actor for his performance in ‘King Richard’ https://t.co/3u37BWE4j1 pic.twitter.com/6uRzHsDtAX

— Reuters Showbiz (@ReutersShowbiz) March 28, 2022

ஆஸ்கர் விருது விழாவில் சிறந்த ஆவண குறும்படமாக தி குயின் ஆஃப் பேஸ்கட்பால் தேர்வாகியுள்ளது. சிறந்த துணை நடிகருக்கான ஆஸ்கர் விருதை “CODA” படத்தில் நடித்ததற்காக டிராய் கோட்சூர் பெற்றுள்ளார். சிறந்த அனிமேஷன் திரைப்படத்திற்கான விருதை ‘என்காண்டோ’ வென்றுள்ளது என்பது குறிப்பிடத்தக்கது.