அங்க விஜயலக்ஷ்மி வரட்டும் ..நா அட்வைஸ் பண்றேன் - லட்சுமி ராமகிருஷ்ணன்
Karthick
in பிரபலங்கள்
கேமரா முன் விஜயலக்ஷ்மி தன்னிடம் வந்து பேசினால் அவருக்கு ஆலோசனை வழங்குவேன் என நடிகையும் இயக்குனருமான லட்சுமி ராமகிருஷ்ணன் தெரிவித்துள்ளார்.=
விஜயலக்ஷ்மி சீமான் விவகாரம்
தன்னை ஏமாற்றி 7 முறை கருக்கலைப்பு செய்ததாக நடிகை விஜயலக்ஷ்மி நாம் தமிழர் கட்சி தலைமை ஒருங்கிணைப்பாளர் சீமான் மீது புகார் அளித்து, அதற்காக திருவள்ளுர் மகிளா நீதிமன்றத்தில் நேரில் ஆஜராகி தனது வாக்குமூலத்தையும் அளித்தார்.
இது பெரும் சர்ச்சைகளை கிளப்பிய நிலையில், நாம் தமிழர் சீமானும் தனது பக்க விளக்கங்களை இந்த புகாரில் தொடர்ந்து தெரிவித்து வந்தார். இந்நிலையில், சில தினங்கள் முன்பு தான் அளித்த புகாரை திரும்ப பெற்ற விஜயலக்ஷ்மி மீண்டும் பெங்களூரு சென்றார்.
ஆலோசனையை வழங்குவேன்
இதன் தொடர்ச்சியாக விஜயலக்ஷ்மிக்கு ஆதரவாக செயல்பட்ட வீரலட்சுமி என்பவருக்கும் நாம் தமிழர் கட்சி நிர்வாகிகளும் தொடர்ந்து முரணான போக்கு நீடித்து வருகின்றது. இந்நிலையில், இன்று தாங்கள் சாகப்போவதாகவும், இதற்கு நாம் தமிழர் கட்சியும் சீமானும் தான் காரணம் என விஜயலக்ஷ்மி வீடியோ ஒன்று வெளியிட்டு இருந்தார்.
தற்போது இந்த விவகாரங்கள் குறித்து தூத்துக்குடியில் செய்தியாளர்களை சந்தித்த நடிகையும், தொகுப்பாளினியும், இயக்குனருமான லட்சுமி ராமகிருஷ்ணனிடம் கேள்வி எழுப்பப்பட்டது. அதற்கு பதிலளித்த அவர், சீமான் - விஜயலட்சுமி விவகாரத்தில், சம்பந்தப்பட்டவர்கள் என்னிடம் கேமரா முன்பு வந்து பேசினால் என்னுடைய ஆலோசனையை வழங்குவேன் என கூறி தனிப்பட்ட முறையில் இது குறித்து பேசுவது சரியானது அல்ல என தெரிவித்தார்.
