எனக்கு வெட்கமே கிடையாது; அழகான உடம்பு உள்ளது - நெட்டிசனுக்கு பதிலடி கொடுத்த விஜே பார்வதி
Karthikraja
in பிரபலங்கள்
உடை குறித்து நெட்டிசன் அடித்த கமென்டிற்கு விஜே பார்வதி பதிலடி கொடுத்துள்ளார்.
வி.ஜே.பார்வதி
தமிழ் திரையுலகில் தொகுப்பாளினியாக அறிமுகமானவர் வி.ஜே. பார்வதி. பின்னர் விஜய் தொலைக்காட்சியில் 'குக் வித் கோமாளி' நிகழ்ச்சியில் பங்குபெற்று பிரபலமானார்.
சமூகவலைத்தளங்களில் ஆக்டிவாக இருக்கும் இவர், அடிக்கடி தனது புகைப்படங்களை பதிவேற்றுவார்.
கமெண்டுக்கு பதிலடி
இந்நிலையில் அவர் உடை குறித்து கமெண்ட் செய்த நெட்டிசன் ஒருவர், இப்படி எல்லாம் மோசமா டிரஸ் போடுறியே உனக்கு வெட்கமாவே இல்லையா என கூறியுள்ளார். அவரின் கருத்துக்கு பதிலடி கொடுக்கும் வகையில் விஜே பார்வதி வீடியோ ஒன்றை வெளியிட்டுள்ளார்.
அந்த வீடியோவில், "எனக்கு வெட்கமே கிடையாதுங்க, எனக்கு அழகான உடம்பு இருக்கு, பெண்கள் எப்போது அழகான உடல் அமைப்பை கொண்டவர்கள்தான். கோவிலில் இருக்கும் கல்வெட்டுகளில் மார்பகம் தெரியும்படி தான் கோவில் சிலையில் இருக்கும் சித்திரங்கள் இருக்கிறது. அப்படி அந்த சிலையை நீங்க தெய்வீகமாக பார்க்கும் போது, ஒரு பெண் மார்டன் உடை அணியும் போது மட்டும் உங்களின் பார்வை ஏன் தப்பாக போகிறது.
இதுபற்றி நான் பல இடத்தில் பேசி இருக்கிறேன் இருந்தாலும், இப்போதும் சொல்கிறேன் ஒரு பெண்ணோட ஆடையை வைத்து அவளை தவறாக பேசாதீர்கள். ஆண்கள் லுங்கியோடவையும், பட்டாப்பட்டி டவுசரோடும் வந்தா ஆண்களை ஆபாசமான வார்த்தையால் நாங்க அசிங்கமா சொல்லட்டுமா" என்று பதிலடி கொடுத்து உள்ளார்.
