முடிஞ்சா கோவிலை தொட்டு பாருங்க..நா வந்து நிப்பேன்...விஷால் ஆவேசம்

சென்னை ஈக்காட்டுதாங்கல் முனீஸ்வரன் கோயில் அருகே நடைபெற்ற மார்க் ஆண்டனி இசைவெளியீட்டு விழாவில் நடிகர் விஷால், கோவில் மீது கை வைத்தால் நான் வந்து நிப்பேன் என ஆவேசமாக பேசியுள்ளார்.

மார்க் ஆண்டனி இசைவெளியிட்டு விழா

திரிஷா இல்லனா நயன்தாரா, அன்பானவன் அசராதவன் அடங்காதவன் போன்ற படங்களை இயக்கிய ஆதிக் ரவிச்சந்திரன் தற்போது விஷால், எஸ்.ஜே.சூர்யா நடிப்பில் மார்க் ஆண்டனி என்ற படத்தை இயக்கி முடித்துள்ளார். ஜி வி பிரகாஷ் குமார் இசையமைத்துள்ள இந்த படத்தில் சுனில், செல்வராகவன், ரீத்து வர்மா ஆகியோர் நடித்துள்ளனர்.

வரும் செப்டம்பர் 15-ஆம் தேதி வெளியாகவுள்ள இந்த படத்தின் ட்ரைலர் சமீபத்தில் வெளியாகி ரசிகர்களிடம் மாபெரும் வரவேற்பை பெற்று படத்தின் மீதான எதிர்பார்ப்பை ஏற்படுத்தியுள்ளது. இப்படத்தின் பாடல் வெளியீட்டு விழா சமீபத்தில் சென்னை ஈக்காட்டுதாங்கல் பகுதியிலுள்ள முனீஸ்வரன் கோயில் அருகில் நடைபெற்றது.

நான் வந்து நிப்பேன் - விஷால்

இவ்விழாவில் நடிகர் விஷால், எஸ்.ஜே. சூர்யா, ராஜ் கிரண் உள்ளிட்டோர் கலந்துகொண்டனர். அப்போது விழாவில் பேசிய விஷால், அய்யனார் சிலை முன்பு படத்தில் பாடல் காட்சி எடுக்கப்பட்டது என்றும் இந்த முனீஸ்வரன் கோயில் கட்டிக் கிட்டத்தட்ட 63 வருஷம் ஆகி இருக்கும் நிலையில், PWD தற்போது இந்த இடம் ஆக்கிரமித்து கட்டப்பட்டுள்ளது என கூறி இங்கு போர்டு வைத்திருப்பதை சுட்டிக்காட்டினார்.

தற்போது இந்த இடத்தை காலி செய்யவேண்டும் என கூறப்படும் நிலையில், ஆக்கிரமித்த நிலத்தை மீட்பது தனக்கு புதிதில்ல என கூறிய விஷால், காலி பண்ணச் சொல்லி இங்க போர்டு வைக்கட்டும், அந்தச் சிலையை உடைக்கிறதுக்கு முன்னாடி உங்கள் சார்பா நான் தான் முதலில் வந்து நிற்பேன் என ஆவேசமாக கூறினார்.