பிரபல WWE வீரரை தமிழ் பாடல் பாடவைத்த விஜய் டிவி பாலா - வைரலாகும் Video!
Jiyath
in பிரபலங்கள்
நடிகர் பாலா
விஜய் டிவியில் ஒளிபரப்பான 'கலக்கப் போவது யாரு' என்ற நிகழ்ச்சியில் கலந்து கொண்டு டைட்டில் வின்னர் ஆனார் பாலா. அப்போதே ரசிகர்கள் பலரையும் கவர்ந்த இவர் 'குக் வித் கோமாளி' நிகழ்ச்சியின் மூலம் மேலும் பிரபலமடைந்தார்.
இவரின் காமெடிகளும், நகைச்சுவை பேச்சும், கௌண்டர்களும் பலரையும் ரசிக்க வைத்தது. தற்போது பல படங்களிலும் பாலா நடித்து வருகிறார். அதுமட்டுமல்லாமல் சமூக சேவையிலும் கலக்கி வரும் பாலா மலை கிராமங்களில் வசிக்கும் மக்களுக்கு ஆம்புலன்ஸ் வாகனமும் வழங்கி வருகிறார்.
தமிழ் பாடலை பாடிய வீரர்
இதனால் இவரை பலரும் பாராட்டி வருகின்றனர். இந்நிலையில் அண்மையில் புகழ்பெற்ற WWE மல்யுத்த நிகழ்ச்சியின் முன்னாள் இந்திய மல்யுத்த வீரரான கிரேட் காளியை (The Great Khali) சந்தித்துள்ளார்.
அப்போது அவருடன் பாலா எடுத்துக்கொண்ட வீடியோ ஒன்று சமூக வலைத்தளங்களில் வைரலாகி வருகிறது. அந்த வீடியோவில் காளியை 'குட் நைட்' திரைப்படத்தில் இடம்பெற்றுள்ள 'நா காலி' என்ற பாடலை பாலா பாட வைத்துள்ளார். அவரும் பாலாவுடன் சேர்ந்து அந்த பாடலை பாடி அசத்தியுள்ளார். இந்த வீடியோ இப்போது அதிகமாக பகிரப்பட்டு வருகிறது.
