மிகப்பெரிய பட்ஜெட் படத்தில் நடிக்கப்போகும் விஜய் மகன் சஞ்சய்...? மகிழ்ச்சியில் ரசிகர்கள்..!
மிகப்பெரிய பட்ஜெட்டில் படத்தில் அமிட்டாகப்போகும் நடிகர் விஜய் மகன் சஞ்சய்...? மகிழ்ச்சியில் ரசிகர்கள்..!
நடிகர் விஜய் மகன் சஞ்சய்
தமிழ் சினிமாவில் முன்னணி நடிகராக வலம் வருபவர் நடிகர் விஜய். இவருக்கென்று தனி ரசிகர்கள் பட்டாளமே உள்ளது.
நடிகர் விஜய்க்கு ஜேசன் சஞ்சய் என்ற மகனும், திவ்யா சாஷா என்ற மகளும் உள்ளனர். அட்லி இயக்கத்தில் விஜய் நடித்த தெறி படத்தில் கவுரவத் தோற்றத்தில் வந்தார் திவ்யா சாஷா. ஆனால், சஞ்சய்க்கு அப்பா போல் நடிக்க ஆசை கிடையாதாம். தாத்தா போல் படத்தை இயக்கத்தான் ஆசையாம்.
இதற்காக அவர் படங்களை இயக்குவது குறித்து வெளிநாட்டில் படித்துள்ளார். சஞ்சய் குறும்படங்களை இயக்கி வருகிறாராம். சமீபத்தில் சஞ்சய் இயக்கிய ஆங்கில குறும்படம் சமூக வலைதளத்தில் வெளியானது.
படத்தில் அமிட்டாகப்போகும் சஞ்சய்
இந்நிலையில், படிப்பை முடித்துவிட்டு சஞ்சய் இந்தியா திரும்பியுள்ளார். இதனையடுத்து, ஹீரோவாக சஞ்சய் நடிக்க வாய்ப்பு இருப்பதாக தற்போது தகவல்கள் வெளியாகியுள்ளன.
தேசிய விருது பெற்ற இயக்குனர் சுதா கொங்கரா இடம் இயக்கப்போகிறார். அப்படத்தில், பிரபல தொழில் அதிபர் ரத்தன் டாடாவின் கதையை திரைப்படமாக எடுக்கப்போகிறாராம் சுதா கொங்கரா. இப்படத்தில் நடிக்க நடிகர் சூர்யாவிடம் பேச்சு வார்த்தை நடந்து வருகிறது.
சுதா கொங்கரா இப்போது வித்தியாசமான கதையை எழுதி வருகிறார். இப்படம் பிரபல எழுத்தாளர் நரணின் 'வேட்டை நாய்கள்' நாவலைத் தழுவி எடுக்கப்படுவதாகவும், மிக விறுவிறுப்பான கதைக்களம் கொண்ட இந்த நாவலைத் தழுவி எடுக்கப்படும் திரைப்படத்தில் விஜய்யின் மகன் சஞ்சய் முக்கிய வேடத்தில் நடிக்கலாம் என்றும் கூறப்படுகிறது.
படம் குறித்து விஜய்யிடம் நேரடியாக பேசியதாகவும், சுதா கொங்கரா இயக்கத்தில் விஜய் நடிக்காவிட்டாலும் அவரது மகனை நடிக்க வைக்க முயற்சித்து வருகிறார். சஞ்சய் இந்த படத்தில் நடிக்கிறாரா என்று கேளுங்கள், அவர் ஒப்புக்கொண்டால் எனக்கு ஆட்சேபனை இல்லை என்று நடிகர் விஜய் கூறியுள்ளதாக தகவல் வெளியாகியுள்ளது.
இதனையடுத்து, இக்கதையை விரைவில் சஞ்சய்யிடம் நேரிலோ அல்லது போனிலோ சுதா கொங்கரா பேசப்போவதாகவும், அவர் ஒப்புக்கொண்டால் அவருடன் படம் பண்ண சுதா கொங்கரா முடிவு செய்துள்ளதாகவும் சொல்லப்படுகிறது.
இது குறித்த தகவல் தற்போது சமூகவலைத்தளங்களில் வெளியாகி வைரலாகி வருகிறது. இதைப் பார்த்த விஜய் ரசிகர்கள் இப்படத்தில் சஞ்சய் நடிக்க ஒப்புக்கொண்டால், அவரது மகனும் தளபதிக்கு போட்டியாக வந்து விடுவார் என்று கமெண்ட் செய்து வருகின்றனர்.
