இன்று மாணவர்களை சந்திக்க உள்ளார் விஜய் - சந்தோசத்தில் துள்ளி குதிக்கும் தீவிர ரசிகர்கள்!

 நடிகர் விஜய் இன்று 10 மற்றும் 12-ம் வகுப்பு மாணவ மாணவிகளை சந்திக்க உள்ளார், இதில் விஜயின் தீவிர ரசிகர்கள் மகிழ்ச்சியில் உள்ளனர்.

நிகழ்ச்சி

தமிழ்நாட்டில் 10 மற்றும் 12-ம் வகுப்பு தேர்வுகளில் தொகுதி வாரியாக முதல் மூன்று இடங்களை பிடித்த மாணவ-மாணவிகளை நடிகர் விஜய் நேரில் அழைத்து ஊக்கத்தொகை வழங்குகிறார்.

இதற்கான நிகழ்ச்சி சென்னை நீலாங்கரையில் ஆர்.கே.கன்வென்ஷன் சென்டரில் இன்று காலை 9 மணிக்கு மேல் நடைபெறுகிறது. இதில் கலந்துகொள்வதற்கு பல இடங்களில் இருந்து மாணவ மாணவிகள் தநடந்த்து பெற்றோர்களுடன் வந்துள்ளனர். மேலும், 5 ஆயிரம் பேருக்கு காலை, மதிய உணவாக பிரியாணி வழங்கப்படவுள்ளது.

மாணவர்கள் பேட்டி

இந்நிலையில், அங்கு வருகை தந்திருந்த மாணவர்கள் பேசுகையில், " பத்து மற்றும் பன்னிரண்டாம் வகுப்புகளில் தாங்கள் எடுத்த மதிப்பெண்கள் மூலம் தான் இது போன்ற சுலபத்தில் நேரில் சந்திக்க முடியாதவர்களைச் சந்திக்கும் வாய்ப்பு கிடைத்துள்ளது.

நடிகர் விஜய்யின் தீவிர ரசிகர்கள் நாங்கள் அவரை சந்திக்கும் வாய்ப்பு கிடைத்திருக்கிறது என்பதை நினைக்கும் போது அளவு கடந்த மகிழ்ச்சியாக உள்ளது" என்று கூறியுள்ளனர்.