நிலம் வழங்கிய விக்கிரவாண்டி விவசாயிகள்.. தவெக தலைவர் விஜய் செய்த நெகிழ்ச்சி செயல்!

  தவெக மாநாடு நடத்த நிலம் வழங்கிய விக்கிரவாண்டி விவசாயிகளுக்கு நன்றி தெரிவிக்கும் விதமாக தவெக தலைவர் விஜய் மதிய விருந்தளிக்க அளித்தார்.

  தவெக மாநாடு 

நடிகர் விஜய் துவங்கியுள்ள தமிழக வெற்றிக் கழகம் கட்சி முதல் மாநாடு கடந்த அக்டோபர் 27-ம் தேதி பிரம்மாண்டமாக நடைபெற்றது. இந்த மாநாட்டிற்காக 85 ஏக்கர் பரப்பளவில் நிலம் ஏற்பாடு செய்யப்பட்டு இருந்தது . மேலும் மாநாட்டுக்காக 60 அடி அகலம், 170 அடி நீளத்துக்கு மேற்கூரையுடன் மேடை அமைக்கப்பட்டுள்ளது.

மேடையிலிருந்து 800 மீட்டர் தொலைவுக்கு விஜய் நடந்து சென்று ரசிகர்களைச் சந்திக்கும் வகையில் ரேம்ப் அமைக்கப்பட்டது. இதில் விவசாய நிலங்களும் அடங்கும். அதனை மாநாட்டிற்குப் பயன்படுத்திவிட்டு மீண்டும் விவசாய பயன்பாட்டிற்கு ஏற்றாற்போல ஏற்பாடு செய்து கொடுப்பதாகவும் ஒப்பந்தம் செய்யப்பட்டு இருந்தது.

இதை கவனிச்சீங்களா? தவெக கட்சி உறுதிமொழியில் இடம்பெற்ற வரி!

விஜய் 

அண்மையில், நிலம் வழங்கிய அப்பகுதி விவசாயிக்கு இலவசமாகப் பசுமாடு, கன்றுக்குட்டியை தவெக நிர்வாகிகள் வழங்கினர். இந்த நிலையில் தவெக மாநாடு நடத்த நிலம் வழங்கிய விக்கிரவாண்டி விவசாயிகளுக்கு நன்றி தெரிவிக்கும் விதமாக தவெக தலைவர் விஜய் மதிய விருந்தளிக்க அளித்தார்.

இதற்கான பனையூரில் உள்ள தவெக கட்சி அலுவலகத்தில் ஏற்பாடுகள் செய்யப்பட்டது. வி.சாலை நில உரிமையாளர்கள் மற்றும் விவசாயிகள் 100கணக்கானோர் அவர்கள் குடும்பத்துடன் இந்த விருந்தில் கலந்து கொண்டனர். விஜயின் இந்த செயல் கவனம் ஈர்த்து வருகிறது.