விஜய்யின் அடுத்த படத்தில் இவர் தான் ஹீரோயினா? - இன்ப அதிர்ச்சியில் ரசிகர்கள்

நடிகர் விஜய்யின் அடுத்தப்படத்தின் ஹீரோயின் குறித்து வெளியாகியுள்ள தகவல் ரசிகர்களிடையே மகிழ்ச்சியை ஏற்படுத்தியுள்ளது. 

பீஸ்ட் படத்தை தொடர்ந்து நடிகர் விஜய் அடுத்ததாக  தமிழ், தெலுங்கில் உருவாகும் பை-லிங்குவல் 'விஜய் 66’ படத்தில் நடிக்கவுள்ளார். இந்த படத்தை வம்சி படிப்பள்ளி  இயக்கவுள்ள நிலையில் தில் ராஜூ தயாரிக்கிறார்.

தமன் இசையமைக்கும் இப்படம் விஜய் ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது. மேலும் படத்தின் படப்பிடிப்பு ஏப்ரல் 2 ஆம் தேதி யுகாதி பண்டிகையை முன்னிட்டு தொடங்கவுள்ளதாக கூறப்படும் நிலையில் விஜய் 66 படத்தின் ஹீரோயின் குறித்த அப்டேட் வெளியாகியுள்ளது. 

அதன்படி பிரபல நடிகை ராஷ்மிகா மந்தனா நாயகியாக ஒப்பந்தம் செய்யப்பட்டுள்ளதாக தகவல் வெளியாகியுள்ளது. இதனால் விஜய் ரசிகர்கள் மகிழ்ச்சியடைந்துள்ளனர்.