ராகுல் காந்திக்கு எதிராக களமிறங்கும் தம்பி வருண் காந்தி..?

அமேதி தொகுதி நேரு குடும்பத்தின் பாரம்பரியமான ஒரு தொகுதியாகவே மாறியுள்ளது.

அமேதி தொகுதி

உத்திரபிரதேச மாநிலத்தின் அமேதி தொகுதி நேருவின் காந்தி குடும்பத்திற்கு மிகவும் நெருக்கமான ஒரு தொகுதியாகவே இருந்து வருகின்றது.

கடந்த 1980-ஆம் ஆண்டு முதன் முதலில் சஞ்சய் காந்தி இந்த தொகுதியில் இருந்து நாடாளுமன்ற உறுப்பினரானதை தொடர்ந்து, 1981-1991 வரை ராஜீவ் காந்தியும், 1999-இல் சோனியா காந்தியும் அதனை தொடர்ந்து 2004 முதல் 2019 வரை ராகுல் காந்தியும் இந்த தொகுதியில் தான் வெற்றி பெற்று எம்.பி'யாகி இருக்கிறார்கள்.

பிரதமரே இல்லாதபோது எதுக்கு அனைத்துக்கட்சி கூட்டம்? - ராகுல் காந்தி

தம்பி வருண் காந்தி..? 

கடந்த 2019-ஆம் ஆண்டு கூட அமேதி தொகுதியில் ராகுல் காந்தி போட்டியிட்டு தோற்று போயிருந்தார் என்பது குறிப்பிடத்தக்கது. இதன் காரணமாகவே இந்த தொகுதி சிறப்பு கவனத்தை ஒவ்வொரு தேர்தலின் போதும் பெற்று விடுகிறது.

இம்முறை மீண்டும் ராகுல் காந்தி அமேதியில் தான் போட்டியிட வேண்டும் என அம்மாநில காங்கிரஸ் கட்சியினர் தொடர்ந்து அழுத்தமான வலியுறுத்தலை வைத்து வருகின்றனர்.

இந்த சூழலில் தான், ராகுல் காந்திக்கு எதிராக பாஜகவின் சார்பில் அமேதி தொகுதியில் வருண் காந்தியை களமிறக்க திட்டமிடப்படுவதாக தகவல் வெளியாகின. இது பெரும் சலசலப்பை ஏற்படுத்திய நிலையில், இந்த கருத்துக்களை வருண் காந்தி முற்றிலுமாக மறுத்துள்ளார்.