உக்ரைன் - ரஷ்யா விவகாரம் - இன்று பிற்பகல் 3.30 மணிக்கு பேச்சுவார்த்தை

உக்ரைன் தலைநகரை கைப்பற்றும் நோக்கில் ரஷ்யா, உக்ரைன் மீது 5-வது நாளாக தாக்குதல் நடத்தி வருகிறது. உக்ரைனின் முக்கிய நகரங்களை குறி வைத்து ரஷ்ய ராணுவ வீரர்கள் பயங்கரமாக சண்டையிட்டு வருகிறார்கள்.

உக்ரைன் - ரஷ்யா போரால் அப்பாவி மக்கள் உயிரிழந்து வருகிறார்கள். நாளுக்கு நாள் உயிரிழந்தோரின் எண்ணிக்கை அதிகரித்துக் கொண்டே வருகிறது.

போரை நிறுத்த வேண்டும் என்று உலக மக்கள் வேண்டுகோள் விடுத்து வருகின்றனர்.

இந்நிலையில், அமைதி பேச்சுவார்த்தை நடத்த ரஷ்யா அழைப்பு விடுத்துள்ளது. இந்நிலையில், ரஷ்யாவுடன் பேச்சுவார்த்தை நடத்த உக்ரைன் குழு பெலாரஸ் சென்றடைந்துள்ளது.

உக்ரைன் மீது ரஷ்யா நடத்தும் போரை நிறுத்துவது தொடர்பாக பெலாரசில் இன்று பேச்சுவார்த்தை நடைபெற உள்ளது.

உக்ரைன் - ரஷ்யா இடையிலான இந்த அமைதி பேச்சுவார்த்தை இந்திய நேரப்படி பிற்பகல் 3.30 மணிக்கு நடைபெற உள்ளது.

இரு நாட்டின் பிரதிநிதிகள், போர் நிறுத்தம் தொடர்பாக இந்த அமைதி பேச்சுவார்த்தையை நடத்த உள்ளனர்.