விரைவில் துணை முதலமைச்சராகும் உதயநிதி ஸ்டாலின்? பரபரப்பு தகவலுக்கு பதில்!

துணை முதல்வர் பதவி குறித்து அமைச்சர் உதயநிதி ஸ்டாலின் விளக்கமளித்துள்ளார்.

உதயநிதி ஸ்டாலின்

உதயநிதி ஸ்டாலின் துணை முதலமைச்சர் ஆவது குறித்த ஒரு பேச்சு திமுக வட்டாரத்தில் மீண்டும் எழுந்துள்ளது. அண்மையில் மாமன்னன் திரைப்படத்தின் ஆடியோ ரிலீஸ் விழாவில் கலந்துகொண்ட முதலமைச்சர் ஸ்டாலினின் மருமகன் சபரீசன்,

உதயநிதி ஸ்டாலினுக்கு சினிமாவில் நடிப்பதை விட வேறு சில முக்கிய பொறுப்புகள் இருப்பதாக கூறியிருந்தது கவனம் பெற்றுள்ளது. இந்நிலையில், சென்னையை அடுத்த செம்மஞ்சேரியில் நிகழ்ச்சி ஒன்றில் உதயநிதி ஸ்டாலின் கலந்துக் கொண்டார்.

துணை முதல்வர்?

அப்போது அவரிடம் துணை முதல்வர் பதவி உங்களுக்கு வழங்கப்பட உள்ளதாக தகவல் உள்ளது என கேள்வி எழுப்பப்பட்டது. அதற்கு அவர், யார் சொன்னார்கள்,

எனக்கே வராத தகவல் உங்களுக்கு எங்கிருந்து வந்தது என்று கேட்ட அவர், எனக்கு துணை முதல்வர் பதவி வழங்கப்பட உள்ளது என்பது தவறான செய்தி எனத் தெரிவித்துள்ளார்.