அமைச்சராக பதவியேற்ற பின் உதயநிதி ஸ்டாலின் செல்லப்போகும் அரசு கார் ரெடி

அமைச்சராக பதவியேற்ற பின் உதயநிதி ஸ்டாலினுக்கு அரசு கார் தயார் நிலையில் ஆளுநர் மாளிகையில் நிறுத்தப்பட்டுள்ளது.

சம்மதம் தெரிவித்த முதலமைச்சர்

சேப்பாக்கம் திருவல்லிக்கேணி சட்டமன்ற உறுப்பினராக இருந்து வருபவர் உதயநிதி ஸ்டாலின். இவருக்கு அண்மையில் மீண்டும் திமுக தலைமை கழகம் இளைஞரணி செயலாளர் பதவியை மீண்டும் வழங்கியது. 

இதையடுத்து அமைச்சர்கள் பலரும் தம்பி உதயநிதியை அமைச்சராக்க வேண்டும் என்றும் முதலமைச்சர் மு.க.ஸ்டாலினிடம் கோரிக்கை வைத்ததாக கூறப்படுகிறது.

இதற்கு சம்மதம் தெரிவித்த முதலமைச்சர் மு.க.ஸ்டாலின் அவரை அமைச்சராக்க பல்வேறு ஏற்பாடுகளை செய்து வந்தார்.

இன்று அமைச்சராக பதவியேற்பு

அதன் ஒரு பகுதியாக சென்னை தலைமைச் செயலகத்தில் அமைச்சராக பதவியேற்ற பின் அவருக்கென தனி அறை அமைக்கும் பணி இரவு பகலாக நடைபெற்றது. இப்பணியில் சுமார் 20க்கும் மேற்பட்ட பணியாளர்கள் ஈடுபட்ட வந்தனர்.

உதயநிதிக்கு இளைஞர் நலன் மற்றும் விளையாட்டுத்துறை வழங்கப்பட வாய்ப்பு இருப்பதாக தகவல் வெளியாகியுள்ளது.

இந்த நிலையில் ஆளுநர் மாளிகை உதயநிதி ஸ்டாலின் அமைச்சராக இன்று பதவியேற்கிறார். இந்த நிலையில் ஆளுநர் மாளிகையில் பதவியேற்பு விழாவுக்கான ஏற்பாடுகள் செய்யப்பட்ட நிலையில் அமைச்சர்கள் ஆளுநர் மாளிகைக்கு வருகை புரிந்து வருகின்றனர். இதையடுத்து அமைச்சருக்கு அரசு வழங்க கூடிய கார் ஆளுநர் மாளிகையில் நிறுத்தப்பட்டுள்ளது.