யார் வந்தாலும் திமுகதான் வெற்றி பெரும் - விஜய்க்கு உதயநிதி ஸ்டாலின் பதிலடி

லோக்கல்ல இருந்து வந்தாலும் திமுகவுக்கு மட்டுமே வெற்றி என உதயநிதி ஸ்டாலின் பேசியுள்ளார்.

உதயநிதி ஸ்டாலின்

விழுப்புரம் மாவட்டம் திருவெண்ணெய்நல்லூரில் முன்னாள் முதல்வர் கருணாநிதி உருவ வெண்கல சிலையை தமிழ்நாடு துணை முதலமைச்சர் உதயநிதி ஸ்டாலின் திறந்து வைத்தார்.

அதன் பின் பேசிய அவர், "2026 சட்டமன்ற தேர்தலில் 234 தொகுதிகளில் குறைந்தது 200 தொகுதிகளில் திமுக கூட்டணியை நீங்கள் வெற்றி பெற வைக்க வேண்டும்.

திமுகவுக்கு மட்டுமே வெற்றி

நம் திட்டங்கள் அனைத்தையும் மக்களிடம் கொண்டு சேர்ப்போம். ஒவ்வொரு வீட்டிலும் ஒரு பயனாளிகள் உள்ளார்கள். அவர்கள் ஒவ்வொருவரையும் தொடர்பு கொண்டு பிரச்சாரத்தை தொடங்குவோம். 

2026 சட்டமன்ற தேர்தலில் யாராக இருந்தாலும், நம்மை எதிர்த்து யார் நின்றாலும், எப்படிப்பட்ட கூட்டணிகள் அமைந்தாலும், அது டெல்லியிலிருந்து வந்தாலும் சரி இங்க லோக்கல்ல இருந்து வந்தாலும் சரி திமுகவுக்கு மட்டுமே வெற்றி கிடைக்கும்" என பேசினார்.

லோக்கல்ல இருந்து யார் வந்தாலும் சரி என புதிதாக கட்சி தொடங்கியுள்ள விஜய்க்கு உதயநிதி ஸ்டாலின் மறைமுகமாக பதிலடி கொடுத்துள்ளார் . விஜய் திமுகவை தனது அரசியல் எதிரி என தனது பேச்சில் குறிப்பிட்டுள்ளார்.