விஜய் காதுக்கு சென்ற அதிர்ச்சி செய்தி - சோகத்தில் தவிக்கும் தவெக நிர்வாகிகள்!
தமிழக வெற்றி கழகத்தின் தொண்டர்களும் நிர்வாகிகள் அடுத்தடுத்து உயிரிழக்கும் சம்பவம் நடக்கிறது.
விஜய்
தமிழ் சினிமாவில் பிரபல நடிகராக வலம் வரும் நடிகர் விஜய், கடந்த பிப்ரவரி மாதம் தமிழக வெற்றிக் கழகம் என்ற அரசியல் கட்சியை தொடங்கினார். தவெக தலைவர் விஜய், கட்சியின் முதல் அரசியல் மாநாட்டை விக்கிரவாண்டியில் நடத்தி கட்சிகொள்கை எதிரி, அரசியல் எதிரி குறித்தும் தெளிவுபடுத்தினார்.
இந்த பேச்சு அரசியல் வட்டாரத்தில் பெரும் அதிர்வலைகளை கிளப்பியது. 2026ஆம் ஆண்டு சட்டமன்ற தேர்தல் தான் தனது இலக்கு என கூறி தனது அரசியல் பயணத்தை தொடங்கியுள்ளார். இந்த நிலையில், விஜய்க்கு அடுத்தடுத்து அதிர்ச்சி சம்பவம் அரங்கேறியுள்ளது.
அந்த வகையில் கடந்த மாதம் தவெக மாநாட்டு பணியை கவனித்து வந்த புதுச்சேரி மாநில நிர்வாகிக்கு திடீரென எற்பட்ட மாரடைப்பால் உயிரிழந்தார். பிறகு தவெகமாநாட்டிற்கு காரில் வந்த திருச்சி தெற்கு மாவட்ட இளைஞரணித் தலைவர் வழக்கறிஞர் கில்லி VL.சீனிவாசன் விபத்தில் உயிரிழந்தார்.
தவெக நிர்வாகி
இதனால் விஜய் கட்சியின் தொண்டர்கள் அதிர்ச்சி அடைந்தார். தற்போது, மீண்டும் ஒரு சோக சம்பவம் நிகழ்ந்துள்ளது. அதாவது, மதுரை தெற்கு மாவட்டம் இளைஞரணி தலைவர் ஆனந்த் இருசக்கர வாகன விபத்தில் உயிரிழந்துள்ளார்.
மதுரை பொன்மேனி பகுதியில் சாலையில் இருசக்கர வாகனத்தில் சென்று கொண்டிருந்தபோது கட்டுப்பாட்டை இழந்து கீழே விழுந்துள்ளார். இதில் படுகாயமடைந்த அவரை அருகில் இருந்தவர்கள் மீட்டு உடனடியாக மருத்துவமனைக்கு அனுப்பி வைத்தனர்
அங்கு தீவிர சிகிச்சை அளிக்கப்பட்டது. ஆனால் சிகிச்சை பலனின்றி இன்று அதிகாலை பரிதாபமாக உயிரிழந்தார். இந்த சம்பவம் பெரும் பரபரப்பை ஏற்படுத்திய நிலையில், மதுரை இளைஞர் அணி நிர்வாகி உயிரிழந்த சம்பவத்தை அறிந்து தவெக தலைவர் விஜய் அதிர்ச்சி அடைந்துள்ளார்.
