நிவாரணப் பொருட்களுடன் இந்தியாவின் 6-வது ‘Operation Dost’ விமானம் துருக்கியை சென்றடைந்தது...!

நிலநடுக்கத்தால் பாதிக்கப்பட்ட மக்களுக்காக இந்தியாவின் 6வது ‘Operation Dost’ விமானம் நிவாரணப் பொருட்களுடன் துருக்கியை சென்றடைந்தது.

துருக்கி நிலநடுக்கம்

கடந்த திங்கள்கிழமை துருக்கி மற்றும் சிரியாவில் அதிகாலையில் மக்கள் உறங்கிக் கொண்டிருந்த போது இரு நாடுகளிலும் 7.8 ரிக்டர் அளவில் நிலநடுக்கம் ஏற்பட்டது. துருக்கி, சிரியா, லெபனான், சைப்ரஸ் மற்றும் இஸ்ரேல் ஆகிய நாடுகளில் உள்ள மில்லியன் கணக்கான மக்கள் நிலநடுக்கத்தை உணர்ந்தனர்.

துருக்கி மற்றும் சிரியாவில் ஏற்பட்ட நிலநடுக்கங்களில் உயிரிழந்தவர்களின் எண்ணிக்கை தற்போது 15 ஆயிரத்தைத் தாண்டியுள்ளது.

துருக்கி மற்றும் சிரியா முழுவதும் உள்ள நகரங்களில் பலி எண்ணிக்கை இன்னும் உயரக்கூடும் என்று அஞ்சப்படுகிறது. 1939ம் ஆண்டுக்குப் பின் துருக்கியைத் தாக்கிய மிக மோசமான பேரிழப்பு இதுவே என்பது குறிப்பிடத்தக்கது.

6-வது ‘Operation Dost’ விமானம்

முதற்கட்டமாக 50 க்கும் மேற்பட்ட தேசிய பேரிடர் மீட்புப் பணியாளர்கள், சிறப்புப் பயிற்சி பெற்ற நாய்ப் படைகள், துளையிடும் இயந்திரங்கள், நிவாரணப் பொருட்கள், மருந்துகள் மற்றும் பிற தேவையான உபகரணங்கள் மற்றும் உபகரணங்களுடன் முதல் இந்திய C17 விமானம் மூலம் அடானா, டர்கியே சென்றடைந்தது.

இதனைதொடர்ந்து இன்று இந்தியாவின் 6வது விமானம் இன்று பூகம்பத்தால் பாதிக்கப்பட்ட துருக்கியை சென்றடைந்தது. துருக்கியில் உள்ள இஸ்கெண்டருனில் இந்திய ராணுவம் கள மருத்துவமனையை அமைத்துள்ளது.

நிலநடுக்கத்தால் பாதிக்கப்பட்டவர்களுக்கு கள மருத்துவமனையில் சிகிச்சை அளிக்கப்பட்டு வருகிறது. இந்திய மருத்துவ மற்றும் தீவிர சிகிச்சை நிபுணர்கள் மற்றும் உபகரணங்களின் குழு அவசர சிகிச்சைக்கு தயாராகி வருகிறது.   

Earthquake: Sixth 'Operation Dost' flight reaches Turkey with relief assistance

Read @ANI Story | https://t.co/T3uvkqq0vX#TurkeySyriaEarthquake #OperationDost #TurkeyQuake #syriaearthquake pic.twitter.com/nOwxcJf711

— ANI Digital (@ani_digital) February 9, 2023

India's sixth flight under Operation Dost reaches earthquake-hit Türkiye#TurkeyEarthquake #OperationDost #TurkeySyriaEarthquake #TurkeyEarthquake #TurkeyQuake #syriaearthquake2023 #earthquakeinturkey #earthquakes #Syria_Turkey_Earthquake #earthquake #Turkey #Syria pic.twitter.com/38EB9pKCRl

— Odisha Bhaskar (@odishabhaskar) February 9, 2023