நான் செத்தால் அது தற்கொலை அல்ல கொலை - பகீர் கிளப்பிய TTF வாசன்!

பிரபல யூ டியூபர் திடீரென வீடியோ பதிவு ஒன்றை வெளியிட்டுள்ளார் அது இணையத்தில் வைரலாகி வருகிறது.

விபத்து

பிரபல யூடியூபர் டி.டி.எப்.வாசன், சென்னை நெல்சன் மாணிக்கம் சாலையில் காரில் சென்றுள்ளார். அப்போது முன்னாள் சென்ற இரு சக்கர வாகனம் மீது இவரது கார் மோதியுள்ளது. இதில் அந்த பைக்கில் வந்தவர் கீழே விழுந்து காயமடைந்தார்.

மேலும், விபத்து காட்சிகளை வீடியோ எடுத்தவர்களிடம் வாக்குவாதம் செய்தார். பின்னர், அவர் அங்கிருந்து அவசரமாக ஆட்டோவில் ஏறி சென்றுள்ளார். இந்த சம்பவம் குறித்து சமூக வலைத்தளங்களில் வேகமாக பரவியது, இதற்கு பலரும் கருத்து தெரிவித்து வந்தனர்.

பகீர் தகவல்

இந்நிலையில், அவர் தற்பொழுது இந்த சம்பவம் குறித்த வீடியோ பதிவு ஒன்றை வெளியிட்டுள்ளார். அதில் அந்த காரை விபத்தின்பொழுது தான் ஓட்டவில்லை என்றும், அதனை இயக்குனர் தான் ஓட்டினார் என்று கூறியுள்ளார். மேலும், விபத்தில் சிக்கியவரை ஆட்டோவில் ஏற்றி மருத்துவமனைக்கு அழைத்து சென்றதாகவும் கூறினார்.

இது தெரியாமல் ஊடகங்களில் நான் ஆட்டோவில் தப்பி சென்றதாக பரப்பினர். "என்னை எவ்வளவு புண்படுத்த முடியுமோ அந்த அளவுக்கு புண்படுத்தி வருகிறார்கள் என்று டிடிஎப் வாசன் கூறியுள்ளார். மேலும் என்னை தற்கொலைக்கு தூண்டும் வகையில் பலர் செயல்படுகிறார்கள். எதிர்காலத்தில் நான் தற்கொலை செய்து கொண்டதாக செய்திகள் வெளிவந்தால் யாரும் அதை நம்ப வேண்டாம். அது திட்டமிட்ட கொலை என்று உங்களுக்கு புரியும்" என்று கூறியுள்ளார்.