பெண்களிடம் எப்படி நடந்து கொள்ள வேண்டும்? போக்குவரத்துத்துறை அறிக்கை

தமிழக அரசு பேருந்துகளில் மகளிருக்கு இலவச பயணம் என அரசு அறிவித்த நிலையில் தமிழகம் முழுவதும் பேருந்து நடத்துனர்கள், ஓட்டுனர்கள் பின்பற்ற வேண்டிய விதிமுறைகளை போக்குவரத்து துறை வெளியிட்டுள்ளது.

இந்த அறிக்கையில், பேருந்திற்காக ஒரு பயணி காத்திருந்தாலும் பேருந்து நிறுத்தத்தில் நிறுத்தி அவரை அழைத்து செல்ல வேண்டும் என்றும் வயது முதிர்ந்த பெண்களுக்கு இருக்கை வசதி கிடைக்க உதவி செய்ய வேண்டும் எனவும் குறிப்பிடப்பட்டுள்ளது.

மேலும், பேருந்தில் பெண் பயணிகளிடம் எரிச்சலூட்டும் விதத்திலோ, கோபமாகவோ, ஏளனமாகவோ பேசக்கூடாது என்றும், அன்புடனும், மரியாதையுடனும் நடந்து கொள்ள வேண்டும் எனவும் தெரிவிக்கப்பட்டுள்ளது.