சரசரவென இறங்கிய வேகம்தான்.. அப்படியே எகிறிய தங்கம் விலை - இன்றைய நிலவரம்!

தங்கத்தின் விலை சவரனுக்கு ரூ.160 உயர்ந்து விற்பனையாகிறது.

தங்கம் விலை

சர்வதேச சந்தையில் நிலவும் பொருளாதார காரணிகளின் அடிப்படையிலேயே தங்கத்தின் விலை தீர்மானிக்கப்படுகிறது. தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம்.

தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது. தொடர்ந்து, கடந்த சில தினங்களாக ஏற்றம், இறக்கம் என காணப்பட்டு வந்த நிலையில், இன்று விலை அதிகரித்துள்ளது.

உயர்வு

அதன்படி, 22 காரட் தங்கத்தின் விலை கிராமுக்கு ரூ.20 உயர்ந்து, ரூ. 5,500 ஆக உள்ளது. சவரனுக்கு ரூ.160 அதிகரித்து ரூ. 44,000 ரூபாயாக உள்ளது.

24 காரட் தங்கத்தின் விலை கிராமுக்கு 20 ரூபாய் அதிகரித்து ரூ.5,970 ஆகவும், சவரன் 47,760 ரூபாய்க்கும் விற்பனையாகிறது.

வெள்ளியின் விலை கிராமுக்கு 50 காசுகள் அதிகரித்து ரூ.77.50 ஆகவும், கிலோவுக்கு ரூ.500 உயர்ந்து ரூ.77,500 ஆக உள்ளது.