சட்டென குறைந்த தங்கம் விலை - இன்றைய நிலவரம் இதுதான்!
தங்கம் விலை சவரனுக்கு ரூ.160 குறைந்து விற்பனையாகிறது.
தங்கம் விலை
சர்வதேச சந்தையில் நிலவும் பொருளாதார காரணிகளின் அடிப்படையிலேயே தங்கத்தின் விலை தீர்மானிக்கப்படுகிறது. தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம்.
தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது. தொடர்ந்து, கடந்த சில தினங்களாக ஏற்றம் இறக்கம் என காணப்பட்டு வந்த நிலையில், இன்று (மே.11) குறைந்துள்ளது.
குறைவு
அதன்படி, 22 காரட் தங்கத்தின் விலை கிராமுக்கு ரூ.20 குறைந்து ரூ.6,750க்கும், சவரனுக்கு ரூ.160 குறைந்து ரூ.54.000க்கும் விற்பனை செய்யப்படுகிறது.
வெள்ளி விலை கிராமுக்கு 70 காசுகள் குறைந்து ரூ.90.50-க்கும், கிலோ வெள்ளி ரூ.90,500க்கும் விற்பனை செய்யப்படுகிறது.
நேற்று அட்சய திருதியை முன்னிட்டு தங்கம் விலை சவரனுக்கு ரூ.1,240 உயர்ந்து ரூ.54,160-க்கு விற்பனையானது. அதன்படி, ஒரே நாளில் நாடு முழுவதும் சுமார் 14 ஆயிரம் கோடி தங்கம் விற்பனையாகியுள்ளது குறிப்பிடத்தக்கது.
