தொடர் சரிவில் தங்கம் விலை - சரியான நேரம், வாங்கலாம் மக்களே!

தங்கம் விலை சவரனுக்கு ரூ. 72 சரிந்து விற்பனையாகிறது.

தங்கம் விலை

தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம். தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது.

ஏற்ற, இறக்கத்துடன் காணப்பட்டு வந்த தங்கம் விலை திடீரென ரூ.46,000த்தை எட்டி அதிர்ச்சி கொடுத்தது. தொடர்ந்து, கடந்த சில தினங்களாக ஏற்றம், இறக்கம் என காணப்பட்டு வந்த நிலையில், இன்று குறைந்துள்ளது.

குறைவு

இந்நிலையில், ஆபரணத்தங்கத்தின் விலை சவரனுக்கு (ஜூன் 29) ரூ.72 சரிந்து ரூ.43,496-க்கும் விற்பனை செய்யப்பட்டு வருகிறது . தங்கம் கிராமுக்கு ரூ.9 குறைந்து 5,437-க்கும் விற்பனையாகிறது.

அதேபோல வெள்ளியின் விலையும் குறைந்துள்ளது. வெள்ளியின் விலை கிராமுக்கு 40 காசுகள் குறைந்து 75.30க்கு விற்பனை செய்யப்படுகிறது.