தொடர்ந்து இறக்கத்தில் தங்கம் விலை - இன்றைய நிலவரம் இதுதான்!

தங்கம் விலை சவரனுக்கு ரூ.160 குறைந்து விற்பனையாகிறது.

தங்கம் விலை

தமிழ்நாடு உள்பட தென்னிந்தியாவில் தங்கம் விற்பனை சிறப்பாக நடைபெறுவது வழக்கம். தங்கம் எப்போதுமே ஏழை மற்றும் நடுத்தர வர்க்கத்தினரின் முக்கிய முதலீடுகளில் ஒன்றாக இருக்கிறது. ஏற்ற, இறக்கத்துடன் காணப்பட்டு வந்த தங்கம் விலை திடீரென ரூ.46,000த்தை எட்டி அதிர்ச்சி கொடுத்தது.

தொடர்ந்து, கடந்த சில தினங்களாக ஏற்றம், இறக்கம் என காணப்பட்டு வந்த நிலையில், இன்று அதிரடியாக குறைந்துள்ளது. அதன்படி, ஆபரணத் தங்கத்தின் விலை இன்று (வியாழக்கிழமை) கிராமுக்கு ரூ.20 குறைந்து ரூ.5,485 -க்கு விற்பனையாகிறது. சவரனுக்கு ரூ.160 குறைந்து ரூ.43,880-க்கு விற்பனையாகிறது.

குறைவு

24 காரட் சுத்த தங்கத்தின் விலை 8 கிராம் ரூ.47,616-க்கும் விற்பனையாகிறது. இதேபோல், வெள்ளி விலை கிராமுக்கு 1.50 காசுகள் குறைந்து ஒரு கிராம் வெள்ளி ரூ.75.00-க்கு விற்பனையாகிறது. ஒரு கிலோ பார் வெள்ளியின் விலை இன்று ரூ.75,000 ஆக இருக்கிறது.